اسلام آباد ۔ 6 جنوری (اے پی پی)وزیراعظم دے معاون خصوصی صحت ڈاکٹر ظفر مرزا آکھیے جو پائیدار ترقی دے اہداف اچ صحت دے حوالے نال ہدف گھننڑ کیتے پرعزم ہوں ، اہداف دے حصول کوں یقینی بنڑاونڑ کیتے سفارشات تے عمل درآمد کوں یقینی بنڑیسوں ، انہاں اہداف کوں گھننڑ کیتے نویں طریقے نال کم گھننڑ دی ضرورت اے ، ڈوجھے سیکٹر نال رل تے کم کرنڑاں ہوسی ،نیوٹریشن تے قابو پاونڑ اساڈی ترجیح اے ، اے گال انہاں سنوار کوں پائیدار ترقی دے اہداف گھننڑ دی تقریب نال خطاب کریندے ہوئیں آکھی اے ۔ معاون خصوصی آکھیے جو صحت دے پائیدار ترقی دے اہداف گھننڑ کیتے پرعزم ہوں ۔ حکومتی سفارشات تے عمل درآمد یقینی بنڑیسوں ،40فیصد بال چھوٹے قد دا شکار ہن ، انہاں آکھیے جو سٹنٹنگ دا وڈا اہم مسئلہ اے اینکوں رل تے قابو پاونڑاں ہوسی ، پاکستان دی تاریخ اچ ساریں توں وڈا پراجیکٹ گھن تے آندے پیوں ۔ انہاں مزید آکھیا جو ایں پروگرام دی مالیت 500بلین اے ، ہیلتھ دا شعبہ اساڈی پہلی ترجیح اے ۔
صحت دے حوالے نال پائیدار ترقی دا ہدف گھننڑکیتے پرعزم اوں ،ڈاکٹر ظفر مرزا
مضمون کا ماخذ : estratégias para loteria
متعلقہ مضامین
