اسلام آباد۔8اکتوبر (اے پی پی) و??یر??عظم محمد شہبازشریف آکھیا جو اساݙی کوششاں نال ٹیکس نیٹ ودھیے، مہانگ ڳھٹ تھئی اے، روزگار دے موقع اتے برآمدات اچ ودھارا تھیے، کہیں کوں 2014 دی تاریخ دہرا تے ملکی معیشت دا ضیان نہ کرݨ ݙیسوں۔ تحریک انصاف پ??کس??ان دی معیشت تے کاری ضرب لاتی، سازشی عناصر ملکی معیشت کوں ڈی ریل کرݨ چاہندن۔ چین دے و??یر??عظم ڈوپاسہ دورے تے امدے پئن۔ سعودی عرب توں وفد جلدی پ??کس??ان امدا پئے جیڑھا ݙو ارب ڈالر دے معاہدے متوقع ہن۔ منگل کوں اے ڳالھیں و??یر??عظم وفاقی کابینہ دے اجلاس اچ ڳالھ مہاڑ کریندیں ہوئیں آکھی۔ انہاں آکھیا جو گزریل ݙینھ کراچی اچ دہشت گرداں دے حملیاں اچ ݙوچینی انجینئرز ہلاک جڈانجو ہک زخمی تھیا۔ بشام دے بعد اے ݙوجھا افسوسناک واقعہ ہئی۔ بشام دے واقعے دے بعد چینی ولوں انہاں دے شہریاں دی حفاظت کیتے ٻئے اقدامات کرݨ دی استدعا کیتی ڳئی۔ دورہ چین اچ ایں بارے انہاں پکا یقین ݙوایا مگر بدقسمتی نال گزریل ݙیندھ اے واقعہ تھیے۔ پ??کس??انی عوام اتے حکومت ایں واقعے تے چینی عوام اتے قیادت نال افسوس کریندی اے۔ چین دے سفارتخانے اچ ونڄ تے چینی سفیر نال وی ملاقات تھئی اے اتے انہاں نال تعزیت کیتی اے۔ و??یر??عظم آکھیا جو سکیورٹی کوں ٻیا فعال ٻݨاوݨ کیتے کم کریسوں۔ انہاں آکھیا جو شنگھائی تعاون تنظیم داسربراہ اجلاس تھیندا پئے، ایں بارے حفاظتی اقدمات کر ڳھدے ڳئن۔ ایں بارے سکیورٹی تے جامع میٹنگ تھئی اے۔ ایں ساری صورتحال نال وی چینی سفیر کوں ݙسا ݙتا ڳئے۔ و??یر??عظم آکھیا جو چین ، سعودی عرب اتے متحدہ عرب امارات ماضی وانقوں ہک واری ولا آئی ایم ایف پروگرام اچ اساݙے نال تعاون کیتے۔ و??یر??عظم آکھیا جو ہک پاسے ملک اچ دھرنے ہن اتے ݙوجھے پاسوں ملائیشیا دے و??یر??عظم انور ابراہیم پ??کس??ان دا کامیاب دورہ کیتے۔ انہاں نال مثبت ڳالھ مہاڑ تھئی اے۔ حلال گوشت اتے چاول دی برآمد بارے ڳالھ تھئی اے۔ ٻئے شعبیاں اچ تعاون ودھاوݨ تے وی ڳالھ مہاڑ تھئی اے۔ چین دے و??یر??عظم دے متوقع دورے اتے وݙے عرصے بعد پ??کس??ان اچ شنگھائی تعاون تنظیم دے اجلاس دے موقع تے چینی باشندیاں کوں ہدف ٻݨاوݨ جئیں دی ذمہو اری بی ایل اے قبول کیتی اے۔ افسوسناک اے۔ وفاقی اتے چڑھائی دی دھمکیاں اتے دشنام طرازی سویں افسوسناک ڳالھ کیتی ویندی پئی اے۔ ایجھے واقعے اساکوں ولا 2014 آلے پاسے ڳھن ویندن، 2014 اچ ڈی چوک تے ترائے مہینے توں ودھ دا دھرنا ݙتا ڳئیا۔ اوں ویلھے چینی صدر دا دورہ ہئی ایندے باوجود تحریک انصاف اتے اوندی قیادت ایں ڳالھ دا ادراک نی کیتا جو ایں دورے دے ملتوی تھیوݨ نال کتنا نقصان تھیسی۔ حکومت پ??کس??ان دی پوری کوشش دے باوجود دے دھرنا موخر نہ کیتا ڳئیا۔ اوں ویلھے سی پیک شروع تھیندا پئیا ہئی جئیں دے تحت ارباں ڈالر دی سرمایہ کاری تھیوݨی ہئی۔ اوں دھرنے پاروں ست مہینے دی دیر دے بعد اپریل 2015 اچ چینی صدر پ??کس??ان آئے۔ ایں دور اچ ملک اچ 20،20 ??ھن??ے لوڈ شیڈنگ ہئی۔ اساݙی صنعتاں بندی تھیندی پئی ہن۔ اڄ ولا اوں تاریخ کوں دہرایا ویندا پئے۔ اسلام آباد تے چڑھائی کیتی ویندی پئی اے۔ ایں کیوں تھیندا پئے ایندی ساریاں کوں سمجھ اے کیونجو خزانہ ٹیم دی شاندار کوششاں اتے ٹیم ورک نال آئی ایم ایف دا پروگرام منظور تھی ڳئے ۔مہانگ دی شرح ہک سال اچ 32 فیصد توں ڳھٹ تے 6.9 فیصد تے آڳئی اے۔ برآمدات اتے ترسیلات زر ودھ ڳئن۔ انہاں کوں پتہ اے جو اگر معیشت سنبھل ڳئی تاں ولا اساکوں کون پچھسی۔ انہاں آکھیا جو اڄوکے احتجاج اچ ہک پولیس کانسٹیبل شہید تھیے۔ جتھ افراتفری دا ماحول ہووے، دھرنے ݙتے ونڄن تاں اتھ کون سرمایہ کاری کریسی۔ خیبر پختونخوا دے و??یر??علیٰ دی سربراہی اچ وفاق تے چڑھائی کیتی ویندی پئی اے۔ انہاں دے رلے افغان شہری اتے پولیس دے اہلکار اتے سرکاری ملازم موجود ہن جتھوں فائرنگ کیتی ڳئی۔ و??یر??عظم ایم ڈی آئی ایم ایف دا پ??کس??ان کیتے پروگرام دی منظوری تے شکریہ ادا کیتا۔ جنرل اسمبلی دے اجلاس دے موقع تے انہاں نال اتے آئی ایم ایف دے سربراہ نال مثبت ڳالھ مہاڑ تھئی اے۔ انہاں اساݙے ست مہینے دے دور اقتدار دی اصلاحات دی تعریف کیتی اے۔ انہاں آکھیا جو اساݙی کوششاں نال فائلرز دی تعداد ݙوگنا تھی ڳئی اے۔ ایں بارے ݙینھ رات محنت کیتی ڳئی اے۔ وزیر خزانہ ، سیکرٹری خزانہ ، چیئرمین ایف بی آر جیڑھے جو ہک لائق افسر ہن۔ انہاں ساریاں دی محنت نال ٹیکس نیٹ ودھ ڳئے۔ بجلی دے صارفین کوں 50 ارب روپے دی سبسڈی ݙتی ڳئی اے۔ پنجاب حکومت ولوں 55 ا رب روپے نال ݙومہینے کیتے سہولت ݙتی ڳئی اے۔ پٹرولیم مصنوعات دے نرخ مسلسل ڳھٹ کیتے ڳئن جئیں پاروں غریب بندے کوں ریلیف ملیے۔ سعودی عرب توں وفد پ??کس??ان امدا پئے۔ انہاں نال ݙو ارب ڈالر توں ودھ دے معاہدے تھیوݨ۔ انہاں کوششاں کوں سبوتاژ نہ تھیوݨ ݙیسوں۔ انہاں آکھیا جو نواز شریف 20 ??ھن??ے دی لوڈشیڈنگ دا خاتمہ کیتے۔ انہاں ترائے سو ارب ڈالر واپسی ڳھن آوݨ اتے کرپشن دے خاتمے دے نعرے لاتے جڈانجو قوم ݙیکھ ڳھدے۔ و??یر??عظم آکھیا جو ملک دی خدمت ہک سنجیدہ کم اے۔ اڄ پ??کس??ان اچ اشاریے مثبت ہن۔ مخلوط حکومت نواز شریف دی قیادت اچ ایندے اچ آپݨا حصہ پیندی پئی اے۔ و??یر??عظم آکھیا جو ہک پاسے دہشت گرداں دے خلاف سکیورٹی فورسز لڑدی پئن۔ چین اتے پ??کس??ان وچال فاصلے ڳھٹ کرݨ کیتے چینی شہریاں کوں نشانہ ٻݨایا ویندا پئے۔ خارجی اتے اتھ دے دشمن کٹھے تھی ڳئن۔ انہاں دی فنانسنگ کتھوں امدی پئی اے۔ اساکوں توقع اے جو اگر ایں راہ تے ٹردے رہیے تاں پ??کس??ان آپݨا ونڄیا مقام ولا حاصل کریسی۔ ایندے کیتے محنت بنیادی شرط اے۔ باقی کہیں زریعے توں ترقی نی تھی سڳدی۔ کابینہ دے اجلاس اچ دہشت گردی اچ شہید تھیوݨ آلے پاک فوج اتے پولیس دے اہلکاراں دے ایصال ثواب کیتے فاتحہ خوانی وی کرائی ڳئی۔ وفاقی و??یر??حسن اقبال دعا کرائی ۔
اساݙی کوششاں نال ٹیکس نیٹ ودھیے، مہانگ ڳھٹ تھئی اے، روزگار دے موقع اتے برآمدات اچ ودھارا تھیے، کہیں کوں 2014 دی تاریخ دہرا تے ملکی معیشت دا ضیان نہ کرݨ ݙیسوں، وزیراعظم دی کابینہ اجلاس اچ ڳالھ مہاڑ
مضمون کا ماخذ : ٹکی انماد
متعلقہ مضامین
