اسلام آباد 11 ستمبر (اے پي پي) د اطلاعات او خپرونو لنډمهاله وفاقي وزير مرتضيٰ سولنګي وئيلي دي چې دا پرېكړه به اولس له كول وي چې ھغوي په راتلونكې ټاكنو كښې كوم سياسي ګوند منتخب كوي٬ پي ټي آئي رجسټرډ سياسي ګوند دے٬ بندېز پرې نشته٬ هېواد كښې هېڅ اړې ګړې نشته٬ هېواد كښې اضطراب په نظر نه راځي، مونږ داسې ټاكنې غواړو چې ټول ئې تسليم كړي٬ د آئين له مخې د ټاكنو نيټه اعلان كول د الېكشن كمېشن كار دے، د ټاكنو په تابيا كښې به د كمېشن هر ډول ممكنه معاونت كوٶ، په آئين كښې ليك دي چې دا هېواد به منتخب نمائندګان چلوي، په دې كښې هېڅ ابهام نشته۔ د دې خيالاتو څرګندونه ده د ګل په ورځ د نجي ټي وي چېنل په پروګرام كښې كړې۔ مرتضيٰ سولنګي ووئيل د قانون د لنډمهاله وزير صدر مملكت سره ملاقات د معمول برخه وه۔ ده ووئيل پاكې٬ سپېځلې٬ بې پرې انتخابات كول د الېكشن كمېشن ذمه واري ده او نيټه اعلان كول هم د كمېسون ذمه واري ده٬ د آئين له مخې انتخابات د آخري مردم شمارۍ له مخې كېدل دي او آخري مردم شماري د كال 2023 دي چې له مخې ئې حلقه بندۍ ضروري دي په دې لړ كښې د الېكشن كمېشن شېډول جاري شوې دې۔ ده ووئيل د حلقه بنديو عمل بشپړېدو نه پس به ټولو سياسي ګوندونو ته 54 ورځې كمپائن له هم وركول وي۔ د يوې پوښتنې په ځواب ده ووئيل بلاول بھټو زرداري د يو لوے سياسي پارټۍ مشر دے ھغه ته د رائيو د اظهار بشپړه حق ترلاسه دے۔ د يوې پوښتنې په ځواب ده ووئيل پاکستان تحريک انصاف رجسټرډ سياسي جماعت دے، بندېز پرې نشته۔ د يوې پوښتنې په ځواب وفاقي وزير ووئيل چې دا پرېكړه به اولس له كول وي چې ھغوي كوم ګوند متنخب كوي۔ ده ووئيل تېر حكومت په الېكشن اېكټ كښې بدلون كولو سره د ځينې لويو پرېكړو واك لنډمهاله حكومت له وركړې، په نړيوالو لوظنامو عملدرآمد كول هم زمونږ په ذمه وارو كښې شامل دي، مونږ به هڅه كوٶ چې په كوم حالت كښې هېواد ترلاسه شوے د ھغې نه په بهتر حالت كښې ېې راتلونكي حكومت ته سپارو
دا پرېكړه به اولس له كول وي چې ھغوي په راتلونكې ټاكنو كښې كوم سياسي ګوند منتخب كوي٬ پي ټي آئي رجسټرډ سياسي ګوند دے٬ بندېز پرې نشته٬ هېواد كښې هېڅ اړې ګړې نشته٬ مونږ داسې ټاكنې غواړو چې ټول ئې تسليم كړي۔ مرتضيٰ سولنګي
مضمون کا ماخذ : میگا ملینز آن لائن ٹکٹ
متعلقہ مضامین
