اسلام آباد۔8اکتوبر(اے پی پی)وفاقی وزیر اطلاعات و نشریات عطاءاللہ تا??ڑ آکھیے جو پشتون تحفظ موومنٹ دے کالعدم تنظیم ٹی ٹی پی (فتنہ الخوارج)، افغان طالبان نال رابطے ہین، سارے شواہد توں بعد پابندی لائی اے، پی ٹی ایم پاکستانی سفارت خانیاں تے حملے کیتن اتے پاکستانی پرچم دی بے حرمتی کیتی، انہاں حملیاں اچ افغان شہری ملوث ہن۔ میݙیا نال الیندے انہاں آکھیا جو پی ٹی ایم کوں کالعدم قرار ݙیوݨ بارے ڳالھیں چلدیاں پیاں ہن، ایں سانڳے وجاوہات سامݨے آوݨ ضروری ہین جو پچھلے کڄھ مہینے اچ پی ٹی ایم دی سرگرمیاں چنتے آلیاں ہن، ڄیکوں پاکستان مخالف بیانیہ کیتے فنڈنگ کیتی ڳئی، پاکستان دی ریاست دے خلاف باقاعدہ فنڈڈ مہم دی ت??قیقات تھینداں پن جو اے فنڈنگ کتھو آندی پئی اےَ تحریک انصاف دا وی پشتون تحفظ موومنٹ نال رابطہ ہا، پختون ساݙے ٻھرا ہن ٻھل پختون تحفظ دا چولا پا تے دہشت گرداں نال روابط رکھݨ، پاکستان دے ریاستی اداریاں دے خلاف منظم مہم چلاوݨ ملکی سالمیت دے خلاف اے، اے تحریک انصاف کیتے وی سبق اے ڄیڑھے آہدن ڄیکر “خان نئیں تاں پاکستان نئیں، انہان اپݨا وزیر اعلیٰ مسنگ پرسن ٻݨا ݙتے، ول پتا نئیں کتھو نکل آئے، پر امن احتجاج، تنقید اتے مخ??لف?? تے کوئی اعتراض نئیں ٻھل پاکستان دا جھنݙا ساڑݨ، سفارتخانیاں تے حملے کرݨ دہشت گرد تنظیماں نال رابطے رکھݨ دی کوشش کریسو تاں ایندی اجازت نا ملسی۔ وفاقی وزیر اطلاعات آکھیا جو حکومت خیبر پختونخوا اچ سپورٹس ٹیلنٹ پروگرام کرویسی، لیپ ٹاپ ݙیسی، نینگراں کیتے یونیورسٹیاں اچ مقابلے کرائے ویسن ٻھل تساں ڄݙاں نینگراں کوں گمراہ کریسو تاں کیویں ٻاھرو نکلسو؟ ڄیڑھی تنظیم یا سیاسی جماعت پی ٹی ایم نال سرگرمی اچ ہوسی، اوندی فنڈنگ کریسی، رابطے رکھسی، جوائنٹ اکاﺅنٹس کھلیسی ت??ں آپ ذمہ دار ہوسی جو پی ٹی ایم ہݨ کالعدم تنظیم اے۔ انہاں آکھیا جو کڄھ لوکاں کوں پاک چین سنڳت ہضم نئیں تھیندی پئی ٻھل اساں پاکستان دی ت??قی اتے سالمیت کیتے جان وارݨ کوں وی تیار ٻیٹھے ہیں، وزیراعظم شہباز شریف واضح کرچکین جو کہیں کوں وی پاکستان کوں عدم استحکام دا شکار کرݨ دی اجازت نئیں ݙتی ونڄ سڳدی، ملکی معیشت ترقی کریندی پئی اے، ہر شعبہ ترقی کریندا ݙسݨ لڳ ڳئے، معاشی اشاریئے بہتر تھیندے پن، بلومبرگ پاکستانی معیشت دی ت??ریف کیتی اے، فچ اتے موڈیز وی پاکستان دی ریٹنگ بہتر کر ݙتی اے، وزیراعظم سارے وزرا اعلیٰ کوں مہانڳ ڳھٹاوݨ کیتے اقدامات دی ہدایت کیتی اے۔ عطاءاللہ تا??ڑ آکھیا جو پشتون تحفظ موومنٹ ریاست دے خلاف بیانیہ ٻ??ائ??، پاکستان نال ہی ساݙی بقا اے، ٻنھاں سیاسی جماعتاں کوں وی چاہیدے جو او ہک نکتے تے کھڑن۔ انہان فلسطین دے مسلے تے ساریاں سیاسی جماعتاں حکومت دے نال کھرن اتے اے پی سی اچ آئن ٻھل ہکا تحریک انتشار ہئی ڄئیں ایندے تے وی سیاست کیتی اے اتے نئیں آئی، اے صادق خان دے خلاف زید گولڈ سمتھ دی مہم تاں چلا سڳدن ٻھل اسرائیل دے خلاف اتے مظلوم فلسطینیاں نال یکجہتی کیتے حکومت پاکستان دی اے پی سی اچ نئیں آسڳدے، کیا انہاں دا سیاسی لیڈر اتنا وݙا اے جو اے فلسطین کاز کیتے وی اے پی سی اچ نئیں آسڳدے؟ اپݨا موقف ݙیندے ٻھل انہاں ??ائ??کاٹ کوں غنیمت ڄاݨیے، انہاں دے نظریئے بالکل ݙس ڳن جو انہان ساریاں حداں پار کر ڳھدن، حکومت فلسطین اتے لبنان کیتے امدادی سامان بھجواوݨ سانڳے ہک کمیٹی ٻݨا ݙتی اے، ہک ریلیف اکاﺅنٹ وی کھولیا ویسی، ملک دشمناں نال رل تے ملک دے خلاف سازش کرݨ دی اجزت نا ݙتی ویسی، ملک اچ آئین و قانون دی پاسداری کیتی ویسی اتے ملک ترقی کریسی۔
پشتون تحفظ موومنٹ دے کالعدم تنظیم ٹی ٹی پی (فتنہ الخوارج)، افغان طالبان نال رابطے ہین، سارے شواہد توں بعد پابندی لائی اے، وفاقی وزیرعطاءاللہ تارڑ
مضمون کا ماخذ : بڑا برا بھیڑیا۔
متعلقہ مضامین
