اسلام آباد 07 جولائي (اے پي پي) وزيراعظم شهباز شريف سېلاب او بارانونو څخه په شوې تباهۍ د مرستې كاروائۍ تندولو امر كړے۔ د زيارت په ورځ د وزيراعظم آفس ميډيا ونګ لخوا د جاري بيان له مخې وزيراعظم شهباز شريف د بارانونو او سېلاب له امله په شوې مرګ ژوبله او زيان د غم دړد څرګندونه كړې۔ وزيراعظم صوبائي اعلٰې وزيرانو ته د سېلاب او باران ځپليو مرستې ته د وړومبۍ پام لرنې كولو امر كړے۔ ده امر وكړٶ چې اعلٰې وزيران دې خپلو خپلو متاثره سيمو كښې د رېسكيو او ريليف اقدامات پخپله نګراني وكړي۔ ده اېن ډي اېم اے او پي ډي اېم ايز ته صوبائي واكمنو او اړوندو څانګو سره په ګډه د هنګامي اقدامات كولو امر وكړو۔ وزيراعظم اړوند ادارو ته په کوئټه، قلعه سېف الله، ژوب، پشين، هرنائي، خوشنوب، قمرالدين او د مسلم باغ پشمول په ځپلو سيمو كښې د ريليف او رېسكيو عملياتو ګړندې كولو هم امر وكړو۔ ده ووئېل ګرد هېواد په خاص توګه بلوچستان كښې د كورونو لوړېدو څخه ځپلي اولس ته په سمدستي توګه ريليف وركړئ۔ وزيراعظم سندھ كښې په خاص توګه كراچۍ، خېبرپښتونخوا او د پنجاب په ځپلو سيمو كښې هم ريليف او رېسكيو عملياتو لپاره د موثره کوآرډينيشن سپارښتنه وكړه۔ ده ووئيل ژوبل شوو ته درملنې لپاره ښه سهولتونه وركړئ، د ځپلي اولس محفوظ سيمو ته منتقل كول او د دوي خيال ساتل باوري كړئ، د ځپلو سيمو سروے وكړئ دغسې چې اولس ته د زيانونو ازالې پحقله لائحه جوړه كړې شي۔ دغسې وزيراعظم ځپلو سيمو سره تعلق لرونكو وزيرانو او پارلماني غړو ته د رېسكيو او ريليف په اقدامات كښې د معاونت كولو هم غږ كړے دے ۔
وزيراعظم شهباز شريف د سېلاب او بارانونو څخه په شوې تباهۍ د مرستې كاروائۍ تندولو امر وكړو
مضمون کا ماخذ : جنگل کے راز
متعلقہ مضامین
.jpg)
.jpg)
