اسلام آباد ۔ 8 ستمبر (اے پی پی) آپریشن سومنات’ 65 دی جنگ اچ بھارت دی ہار دا ڈوجھاں ناں اے،پاک بحریہ،”دوارکا ریڈار اسٹیشن” تباہ کرتے دشمن کوں اوندے اپنڑے پانڑی اچ ونج تے ہرایا ہئی۔پاک بحریہ دے ترجمان دے مطابق بھارتی بحریہ کوں ہاربر توں نکلنڑ تے مجبور کرنڑ بہوں ضروری ہئی تانجو او پاک بحریہ دی آبدوز غازی دا نشانہ بنڑ سگن۔آپریشن اچ ہر قسم دے مواصلاتی رابطے رک ونجنڑ نال آپریشن کوں بئیا اوکھا بنڑا ڈتی ہئی ۔12وج تے 26منٹ تے فائر دا حکم ملیا اتے جہازاں دی توپیں بھاہ اگلنڑ لگی۔ہک بئے توں پچھوں حملیاں ریڈار سٹیشن عملے سودھے پورا تباہ تھی گئیا ہئی ۔ریڈار سٹیشن دی تباہی بھاتی فضائی حملے ختم تھی گئے ۔پاک بحریہ دے فاتح بحری بیڑے دشمن کوں اوندے اپنڑے پانڑی اچ ہرایا ہئی ۔
مضمون کا ماخذ : سامرائی کی خوش قسمتی۔
