اسلام آباد۔14دسمبر (اے پی پی):وزیر خارجہ شاہ محمود قریشی آکھیے جو پاکستان دی میزبانی اچ ، اسلامی تعاون تنظیم ، او آئی سی وزرائے خارجہ کونسل دا غیر معمولی اجلاس 19 دسمبر کوں اسلام آباد اچ تھیسی ۔ اجلاس اچ بین الاقوامی اتے علاقائی تنظیماں کوں وی سݙیا ویندا پئے ،اجلاس، افغان عوام دی انسانی ضرورتاں کوں پورا کرݨ کیتے ٹھوس اقدامات تے غور ک??ݨ دا موزوں موقع ݙیسی ۔منگل کوں او آئی سی وزرائے خارجہ کونسل دے 19 دسمبر کوں اسلام آباد اچ منعقد تھیوݨ آلے غیر معمولی اجلاس دے حوالے نال وزیر خارجہ آپݨے ھک بیان اچ آکھیے جو ایں غیر معمولی اجلاس دا مقصد، افغانستان دی سنگین انسانی صورتحال تے غور ک??ݨ اتے موثر لائحہ ء عمل طے کرݨا اے۔ اقوام متحدہ دے تخمینے دے مطابق،ایں وقت افغانستان دے 38 ملین لوکاں اچوں 50 فیصد کوں “بھک دے سنگین بحران” دا سامݨا اے اتے اے صورتحال ݙینھ و ݙینھ بدتر تھیندی ویندی اے ۔ورلڈ فوڈ پروگرام خبردار کیتے جو افغانستان اچ 3.2 ملین ٻال شدید غذائی قلت دے خطریں توں ݙوچار ہن۔مخدوم شاہ محمود قریشی آکھیے جو یو این او سی ایچ اے موجب ،جنوری اتے ستمبر 2021 دے درمیان 665,000 نویں لوک افغانستان دے اندر بے گھر تھئن ۔ایندے ??وں پہلے افغانستان اچ اندرلی طور تے بے گھر تھیوݨ آلے 2.9 ملین لوک انہاں دے علاوہ ہن ۔پاکستان، اپݨے محدود وسائل دے باوجود، پچھلے کئی ݙھاکیں توں 40 لکھ افغان مہاجرین دی میزبانی کریندا پئے ۔ شاہ محمود قریشی آکھیے جو پالے دی آمد افغانستان دی صورتحال کوں مزید اوکھا کرݙتے جے ایں صورت حال تے توجہ نہ ݙتی ڳئی تاں ھک وݙا انسانی بحران جنم گھن سڳدے ??فغانستان او آئی سی دے بانی ارکان اچ شامل اے۔ امت مسلمہ دا حصہ ہووݨ دے ناطے، اساں افغانستان دے لوکاں دے نال یاری تے بھرپی دے رشتے اچ گھنڈیے پئے ہیسے ۔
پاکستان دی میزبانی اچ ،او آئی سی وزرائے خارجہ کونسل دا غیر معمولی اجلاس 19 دسمبرکوں اسلام آباد اچ تھیسی ،وزیر خارجہ شاہ محمود قریشی
مضمون کا ماخذ : sorteos میگا سینا
متعلقہ مضامین
