اسلام آباد۔11ستمبر(اے پی پی) پاکستان پیپلز پارٹی دے چیئرمین بلاول بھٹوزرداری آکھیے حکومت مہانگ دی شرح گھٹ کرتے 12 فیصد تئیں گھن آوݨ دا مقررکیتے جݙاں جو گزریل اٹھ مہینے اچ ??ینکوں 9.6 فیصد تئیں گھن آئی اے جیڑھا تعریف دے قابل اے ،پارلیمان ??تے آئین دی بالادستی ??تے جمہوریت سانڳے اساکوں جھیڑیں دا سلسلہ مکاوݨا ہوسی ، س??اسی اختلافات دے باوجود ورکنگ ریلیشن شپ دا قیام ضروری اے، وزیراعلیٰ خ??بر پختونخوا میڈیا تے اپوزیشن کوں ڳالھیں مندے ݙے تے ججاں دے خلاف انتقامی کا??روائی کرتے صوبے دے عوام دی خدمت نی کریندے پئے، س??است چمکیندے پئن ۔ قومی اسمبلی اجلاس اچ ڳالھ کریندے بلاول بھٹوزرداری آکھیے اڄ اسمبلی دی گیلریز اچ پاکستان دے طلبا ??تے نینگر بیٹھن جیڑھے ملک دا مستقبل ہن، ساݙی حالت ݙیکھ تے انھاں اچوں کوئی سیاستدان نہ بݨسی ، جمہوری معاشریں اچ ??رکان پارلیمنٹ بݨݨ ھک ماݨ تے اعزاز اے ، افسوس نال آکھݨا پوندا پئے جو ھک عرصے تو سیاست کوں مندا بݨا ݙتا ڳئے، اساں ایں سیاست توں نینگراں کوں روزگار ، معاشی انصاف ݙیوݨ تے ایں ملک کوں چلاوݨا اے ، اساں ضرور اوکھ اچ ہیسے مگر میکوں یقین اے جو جݙاں اے ٻال وݙے تھیسن تاں اساں خطہ دی قیادت کریندے پئے ہوسوں ، پارلیمان سپریم ادارہ اے، جیں آئین دی وجہ توں اے ادارہ تے ملک چلدا پئے ایں آئین دی بالادستی دے بغیر پارلیمان ??تے ملک نی چل سڳدا ، س??است آپݨی جاہ مگر ورکنگ ریلیشن شپ رکھݨ ضروری اے تے ایں سانڳے اساکوں آپݨیاں ذمے واریاں نبھاوݨیاں چاہیدے ، انھاں آکھیے شورشرابے دی بجائے ایشوز تے ڳالھ تھیوݨی چاہیدی اے ، جے اپوزیشن اپݨی ذمہ داری پوری نی کریندی تاں ایں توں مسئلے بݨسن ، جیں صوبے اچ ??نھاں دی حکومت اے اتھاں روزگار، مہانگ، تعلیم ??تے دہشت گردی جیھے وݙے مسئلے ہن ، جے وزیراعلیٰ دی ذمہ واری اے ہے جو میڈیا ??تے اپوزیشن کوں ڳالھیں مندے ݙیون تے ججاں دے خلاف انتقامی کا??روائیاں کرن تاں او خدمت نی بلکہ سیاست چمکیندے پئن ، میݙے خاندان آئین ??تے جمہوریت سانڳے قربانی ݙتی اے ، شہید بے نظیربھٹو نوازشریف نال رل تے میثاق جمہوریت تے دستخط کیتے اساں اتفاق رائے نال 18ویں ترمیم دی منظوری ݙتی ، جے ایں ملک کوں چلݨا اے تاں ایوان دے ݙوہیں پاسوں رل تے چلݨا چاہیدے ۔ حکومت نال ہزاراختلافات تھی سڳدن ، مگرملکی مسئلیں دا حل ضروری اے ، تنقید اساں وی کیتی اے ویلھا آڳئے جو اساں جائزہ گھنوں جو حکومت دی کا??گردگی کیجھی اے ۔حکومت 8 مہینے اچ مہانگ دی شرح 9.6فیصد تئیں گھن آئی اے جݙاں جو ہدف 12 فیصد تئیں گھن آوݨ دا مقرر کیتا ہئی ایں تے حکومت دی تعریف وی کرݨی چاہیدی اے ، اساکوں حکومت کوں مشورہ تےتجویزاں وی ݙیوݨیاں چاہیدن جو ایجھے کیڑھے اقدامات کیتے ونڄن جو مہانگ ٻئی گھٹ تھیوے ، اساں اختلافات دے باوجود ساریاں سیاسی جماعتاں نال مذاکرات کیتن تے اتفاق رائے نال اقدامات کیتن جیں توں عوام ??تے صوبیں کوں فیدہ تھئے ، جݙاں توں میثاق جمہوریت تے دستخط تھئن ایں دے اڳلے ݙینھ توں ایں اتقاق رائے ??تے میثاق کوں کمزورکر ݨ تےغیرسیاسی طاقتاں کوں جاہ ݙیوݨ سانڳے سازشاں شروع کیتیاں ڳیاں ۔ ھک سیاسی جماعت اداریں کوں حمایت نال کھڑا کرتے ساݙے سیاسی نظام کوں ایجھے نکتے تے پڄا ݙتے جو کوئی وی ہتھ ملاوݨ سانڳے تیار کا??نی اساں آپݨے ٻالاں دی قسمت نال کھیݙدے پیوں ، میݙی درخواست اے جو پہلے ہاؤس کوں فعال بݨایا ونڄے تے ایندے بعد ملک کوں فعال کیتا ونڄ سڳے ۔ انھاں آکھیے ٻہوں افسوس تھئے ھک سینئرسیاستدان ہاؤس توں استعفیٰ ݙیوݨ دا اعلان کیتے ۔میں مینگل صاحب دے فیصلے توں مایوس تھیاں ۔ صوبے دے مسئلیں دے حل سانڳے انھاں دا ایوان اچ ہووݨ ضروریاے ۔ میں سابق وزیراعظم تے تنقید کریندا رہساں مگرتساں اسمبلیاں تے کمیٹیاں نہ چھوڑو تے آپݨیاں ذمے واریاں نبھاؤ ۔ میں پہلے وی آکھیا ہامی جو قومی ??تے صوبائی اسمبلیان نہ چھوڑو، او خود تاں بھوڳیندے پئن ہݨ ملک وی بھوڳیندا پئے ، اساکوں بااختیارکمیٹیاں بݨاوݨیاں چاہیدن جیں اچ ??اریاں جماعتاں دی نمائندگی ہوسی، پارلیمان اتےآئین دی بالادستی ??تے جمہوریت سانڳے اساکوں تلخیاں داسلسلہ ختم کرݨا ہوسی
