اسلام آباد ۔ 11 فروری (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو کابینہ مہنگائی دی چیل بھننڑ دا فیصلہ کر گھدے۔ ڈاکٹر فردوس عاشق اعوان کابینہ اجلاس دے بعد میڈیا بریفنگ ڈیندے ہوئیں آکھیے جو وزیراعظم عمران خان دی زیر صدارت تھیونڑ آلے اجلاس اچ عوامی مسلیں خصوصاً مہنگائی تے بحث کیتی گئی اے ،انہاں آکھیے جو کابینہ مہنگائی دے ستائے عوام کوں ریلیف ڈیونڑ دا فیصلہ کیتے تے چیزاں دیاں قیمتاں اچ استحکام کیتے پیکج ڈتا ویسی ۔کابینہ دے فیصلیں نال مہنگائی دی چیل ترٹ ویسی ،معاون خصوصی برائے اطلاعات و نشریات آکھیے جو حکومت سبسڈی اتے کھاونڑ پیونڑ دیاں چیزاں دی ترسیل تے نظر رکھیسی جڈاں جو یوٹیلیٹی اسٹورز تے ڈو ارب مہینہ سب سڈی ڈتی ویسی ۔اے سبسڈی اٹا ، دال ،چاول ،کھنڈ تے بیاں چیزاں تے ہوسی ،انہاں آکھیے جو حکومت ولوں ڈتے گے پیکج نال منافع خوراں تے ذخیرہ اندوزاں تے قابو پاتا ویسی ۔20کلو اٹے دا تھیلا 800روپے ، فی کلو کھنڈ 70روپے تے گھیو 175روپے کلو ملسی ۔انہاں آکھیے جو چاول تے دال دیاں قیمتاں 15روپے توں 20روپے تئیں گھٹ کیتیاں گن ۔ غریب طبقہ وزیر اعظم عمران خان دے دل دے نیڑے ہے۔ڈاکٹر فردوس عاشق اعوان آکھیے جو پورے ملک اچ 2 ہزار یوتھ اسٹورز کامیاب جوان پروگرام دے تحت کھولیے ویسن جیں نال نینگراں کوں روزگار ملسی ۔ مرحلہ وار سپورٹ پروگرام وی ترتیب ڈتا گے ۔
کابینہ مہانگ توں پریشان عوام کوں ریلیف ڈیونڑ دا فیصلہ کیتے ، وزیر اعظم دی معاون خصوصی اطلاعات و نشریات ڈاکٹر فردوس عاشق اعوان دی وفاقی کابینہ دے اجلاس دے بعد میڈیا بریفنگ
مضمون کا ماخذ : loteria do Paraná
متعلقہ مضامین
