اسلام آباد 11 مئي (اے پي پي) د دفاع وزير خواجه محمد آصف وئيلي دي د مارشل لاء لګېدو هېڅ امكان نشته٬ په جي اېچ كيو د تحريك طالبان نه پس تحريك انصاف بريد كړے،كه بل چا يا كوم ګوند او تنظيم داسې كړې وو نو پته نشته چې تر اوسه به څه شوي وٶ ،نواز شريف ،شهباز شريف ،آصف زرداري ،مريم نواز او زما پشمول نورو سياست مدارو ته د سپريم كورټ څخه داسې حسن سلوك ولې نه تر لاسه كېدو ؟۔ خواجه محمد آصف ووئيل د نېب د بدلون وړومبے ګټور عمران خان ګرځېدلے، زمونږ په دور كښې 90 ورځې جسماني ريمانډ ٶ٬ھغه وخت چا ته دا خيال نه ٶ راغلے چې زمونږ حراست دې هم ختم كړے شي، ده ووئېل اوس خو په رېسټ هاٶس كښې د سهولتونو هم پوښتنه كېږي٬ په دې هېواد كښې دا دوه مخيز معيار ولې دے ۔ ده ووئيل د پوليس په حراست كښې د عمران خان په ميډيكل او په خېراتي روغتون كښې په ميډكل كښې د زمكې او د آسمان فرق دے، په ھغه ميډېكل كښې او د پوليس په ميډېكل رپورټ كښې د زخمونو نوعيت بل دے، قام به تر كومه نادانه كړے كېږي ۔۔ ده ووئيل د تشدد لرونكو مظاهرو څخه د لاتعلقۍ څرګندونه كېږي٬ آيا د ګرفتارۍ نه وړاندې ده خپل وېډيو بيان كښې وركرز په تشدد نه وٶ لمسولي؟ د دغه تشدد څه نتيجه راووته، د شهيدانو يادګارونه، دفاعي تنصيبات ،د کورکمانډر په كور بريد ٬ په دې عدليه ولې د تشويش څرګندونه نه كوي او عدالتونو په دې ازخود نوټس ولې نه دے اغستے ۔ ده ووئيل محمد نواز شريف، آصف علي زرداري، فريال تالپور، مريم نواز، زه او شهباز شريف کوم ريسټ هاٶس كښې نه وٶ پاتې شوي ٬٬ مونږ له خو د كور نه خوراك راغوښتلو لپاره عدالت سره مراجعه كول وو، ده ووئېل دلته سپريم كورټ حكم كړے چې ټول سهولتونه دې وركړے شي او لس كسان هم۔ د يوې پوښتنې په ځواب ده ووئيل تر اوسه كابينې د اېمرجنسي لګولو پرېكړه نه ده كړې كه حالات داسې وي نو د كابينې منظورۍ سره اېمرجنسي لګېدې شي۔ د يوې پوښتنې په ځواب ده ووئيل د مارشل لاء هېڅ چانس نشته٬ په لاهور كښې د نورو شخصياتو كورونه هم وٶ خو د کورکمانډر كور په نخښه كړے شوے۔ ده ووئيل مونږ د پوځي ډكټېټر په ضد تقريرونه كړي خو په ادارو مو كله هم دا ډول بريدونه نه دي كړي، عمران خان شخصيت نه بلكې د پوځ اداره هدف كړې۔ د يوې پوښتنې په ځواب ده ووئيل په موجوده وضعه كښې ټول اولس ځپلے كېږي، پي ټي آئي سره مذاكرات كېدل خو په مذاكراتو كښې ډکټيشن نه چلېږي۔ د يوې پوښتنې په ځواب ده ووئيل د اوسني صورتحال نه د اخوا يواځې مونږ ته ولې تلقين كېږي٬ مونږ خو نه ناامني جوړه كړې او نه مو چا ته وئيلي دي چې د رياست په ضد بغاوت وكړې ۔ ده ووئيل د هند ميډيا دا چلوي كوم چې مونږ په 75 كالو كښې ونه كړے شول ھغه د پاكستان يو سياسي ګوند وكړل۔ په دې موقع د دفاع وزير خواجه محمد آصف په سوشل ميډيا وائرل شوې د عمران خان او مسرت جمشيد چيمه ترمېنځه مبينه آډيو خبرې هم ميډيا ته واورولې
د مارشل لاء لګېدو هېڅ امكان نشته٬ په جي اېچ كيو د تحريك طالبان نه پس تحريك انصاف بريد كړے۔ د دفاع وزير خواجه محمد آصف
مضمون کا ماخذ : ٹکٹ خریدنے کے حوالے سے الفاظ
متعلقہ مضامین
