اسلام آباد۔10اپریل (اے پی پی) په قامي آئیني کنونشن كښې د آئین جوړونكو ته پېرزوئنې وړاندې كولو او د قامي اسمبلۍ زړه وداني (سټیټ بینک بلډنګ قامي ورثه ګرځولو له قرارداد منظور كړے شوے ۔ د آئین جوړونكو ، د آئین د تدوین لپاره جوړې کمیټۍ او په آئین سازۍ كښې برخه اغستوونكو كسانو ته پېرزوئنې وړاندې كولو له قرارداد رضارباني وړاندې كړو۔ ده ووئېل د ګولډن جوبلي په موقع د قامي آئینی کنونشن ګډون كوونكې د آئین بانیانو ته پېرزوئنې وړاندې كوي ، آئین د پاکې خاورې قانون دے چې پكښې د اختیارات تقسیم په وضاحت سره شوے ۔قرارداد كښې د 1973 آئیني کمیټۍ غړو ته پېرزوئنې وړاندې كړې شوې او وئېل شول پخواني وزیراعظم ذوالفقارعلی بهټو او د کمیټۍ غړو د جمهوریت، بشري حقونو او د قانون حکمرانۍ له په زړه پورې كار كړے ،په قرارداد كښې 5 د قامي اسمبلی غړو ته او آئینی کمیټۍ ته په تدوین هم مبارکي وركړې شوه ٬ قرارداد كښې ووئېل شول دا کنونشن د آئین جوړونكو هڅې ستائي چا چې په وژن، عزم او همت سره کار کولو باندې يو مشکل کار ممکن كړے ٬ قرار داد كښې پخواني وزیراعظم ذوالفقارعلی بھټو، سپیکر فضل الهیٰ چوهدري، عبدالحفیظ پیرزادہ ، خان قیوم خان،میاں ممتاز دولتانه، سردار شوکت حیات،خان عبدالولي خان ، مولانا مفتی محمود او شاہ احمد نوراني ته پېرزوئنې وړاندې كرې شوې ۔دغسې په قرار داد كښې د آئین شکن او د معطل كوونكو غندنه شوې ۔ د خزانې وزیر د قامي اسمبلۍ زوړ هال (سټیټ بینک بلډنګ) يوه قامي ورثه ګرځولو له قرارداد وړاندې كړو د كوم چې منظوری وركړې شوه ۔ د قرارداد په متن كښې وئېلې شوي د قامي اسمبلی اسمبلۍ هال د 1972 نه تر مئي 1986 كارېدو ،د دغې اسمبلۍ هال د هېواد په تاریخ كښې يو مهم مقام دے، دا يو داسې ځائے دے چرته چې د آئین سازۍ كار تر سره شوے ، په دغه اسمبلي هال كښې 3 وزيراعظمان او 5 سپیکران پاتي شوي ، د دغې ودانۍ بحالول او راتلونكو نسلونو له محفوظه جوړول ضروري دي ۔ قرارداركښې وئېلې شوي کنونشن ټولو اړوندو ادارو ته په كال كښې يو ځل هلته د قامي اسمبلی هال كښې د يوې ناستې کولو سپارښتنه كوي۔
آئین جوړونكو ته پېرزونې وړاندې كولو او د قامي اسمبلۍ زړه وداني قامي ورثه ګرځولو له قرارداد منظور كړے شو
مضمون کا ماخذ : لاٹری نمبر کا انتخاب
متعلقہ مضامین
.jpg)
.jpg)
