اسلام آباد۔18اپریل (اے پی پی) افغانستان دے وزیر خارجہ محمد حنیف آتمر دا دوبئی اچ مخدوم شاہ محمود قریشی نال ٹیلی فون تے رابطہ کیتے۔ ݙوہیں وزراء خارجہ افغان امن عمل تے ہݨ تئیں تھیوݨ آلی پیش رفت تے ڳالھ مہاڑ کیتی۔ وزیرخارجہ شاہ محمود قریشی آکھیا جو پاکستان ،افغانستان کوں پر امن اتے مستحکم بݨاوݨ سانڳے آپݨی مصالحانہ تعاون جاری رکھݨ سانڳے پر عزم اے۔ انہاں آکھیا جو اے ہک پر امن ،اتے مستحکم افغانستان ،پاکستان دے فائدے اچ اے۔ انہاں آکھیا جو پاکستان،افغانستان سودھے خطے اچ امن سانڳے کیتی ڳئی کوششاں اچ سانجھے داراے۔ افغان وزیر خارجہ محمد حنیف آتمر افغان امن عمل کوں نتیجہ خیز بݨاوݨ سانڳے پاکستان دی مسلسل سفارتی،سیاسی اتے اخلاقی تعاون دی تعریف کریندیں ہوئیں وزیر خارجہ مخدوم شاہ محمود قریشی اتے پاکستانی قیادت دا شکریہ ادا کیتا۔
مضمون کا ماخذ : کوئٹہ لاٹری
