اسلام آباد ۔ 24 اپریل (اے پی پی) وزیر اعظم عمران خان آکھیے جو حکومت کاروبار اچ سوکھ تے سازگار فضا مہیا کرنڑ کیتے ہر ممکن معاونت فراہم کریسی۔ انہاں اے گال یورپ دی ایچ آر ڈی انٹرپ اینڈ آئی بی ایل گروپ دے وفد نال گال مہاڑ کریندے ہوئیں آکھی جنہاں بدھ کوں اتھاں انہاں نال ملاقات کیتی۔واضح رہے جو ایچ آر ڈی انٹرپ ہیریں دی گریڈنگ اچ یورپ دا ممتاز ادارہ اے۔ وفد اچ ایچ آر ڈی بیلجیم دی نائب صدر کیتھرین ڈیکوٹ اتے چیئرمین آئی بی ایل گروپ راشد عبداللہ تے بئے شامل ہن ۔پروفیسر ڈاکٹر عطاءالرحمن وی وفد دے رلے ہن جڈاں جو ملاقات اچ مشیر خزانہ ڈاکٹر عبدالحفیظ شیخ اتے مشیر تجارت عبدالرزاق داﺅد وی موجود ہن ۔ ڈاکٹر عطاءالرحمن رنگین قیمتی پتھراں تے جواہرات دے شعبے اچ ملکی برآمدی صلاحیت بارے پریذینٹیشن ڈتی ۔ وزیر اعظم کوں ڈسایا گیا جو قیمتی پتھراں دے شعبے اچ ملک دی برآمدی صلاحیت 2012ءاچ 1.62 ارب ڈالر ہئی تے وقت گزرنڑ دے نال نال ایندے اچ کمی آئی اے ۔ وزیر اعظم کوں ڈسایا گیا جو ایچ آر ڈی انٹرپ اتے آئی بی ایل گروپ خام قیمتی پتھراں کوں تراشنڑ تے چمکاونڑ کیتے پاکستان اچ فیکٹری دا قیام چاہندے۔ ڈاکٹر عطاءالرحمن ایں شعبے اچ موجود موقع توں فائدہ چاونڑ کیتے کجھ تجویز پیش کیتیاں ۔ وزیر اعظم عمران خان ایچ آر ڈی انٹرپ دی دلچسپی دا خیرمقدم کریندے ہوئیں آکھیا جو حکومت کامیاب کاروباری منصوبے کیتے ہر ممکن معاونت کریسی ۔
حکومت کاروبارکوں سوکھا تے سازگار فضا ڈیونڑ کیتے ہر ممکن معاونت کریسی،وزیر اعظم عمران خان دی یورپین کاروباری گروپ دے وفد نال گال مہاڑ
مضمون کا ماخذ : آزاد کشمیر لاٹری
متعلقہ مضامین
