اقوام متحدہ ۔ 26 ستمبر (اے پی پی) پاکستان اتے قطر ڈو طرفہ تعلقات اچ ودھارے اتے اقتصادی رابطیاں سمیت آپس اچ تجارت دے ودھارے سانگے پر عزم ہے۔ اقوا م متحدہ دی جنرل اسمبلی دے 73 ویں اجلاس دے موقع تے پاکستانی وزیر خارجہ شاہ محمود قریشی نال انہاں دے قطری ہم منصب محمد بن عبدالرحمن الثانی ملاقات کیتی۔ ایں موقع تے قطر دے وزیر خارجہ پاکستان اچ انتخابات دے کامیاب انعقاد اتے شاہ محمود قریشی کوں وزیر خارجہ بنڑن تے مبارخ باد ڈتی۔ ڈوہائیں وزیراں برادر اسلامی ملکاں وچال چنگے اتے نیڑے دے تعلقات دی ضرورت تے زور ڈتا۔ دفتر خارجہ توں جاری بیان مطابق وزیر خارجہ شاہ محمود قریشی پاکستان اتے قطر وچال تجارت اچ 53 فیصدودھارے دی تعریف کیتی اتے خوراک،تعمیراتی سامان، دوائیاں، طبی آلات، کھیڈاں دے سامان اتے کپڑے دیاں مصنوعات دی برآمدات اچ ودھارے نال ڈ وطرفہ تجارت ودھاونڑ دی ضرورت تے زور ڈتا۔ پاکستانی وزیر خارجہ تجویز پیش کیتی جو قطر داایوان صنعت و تجارت پاکستان دا وختی دورہ کریسی ،تاں جو سانجھی کاروباری کونسل کوں بیا موثر بنڑایا ونج سگے ۔ ایں موقع تے قطر ی وزیر خارجہ شاہ محمود قریشی دا شکریہ ادا کیتا جو انہاں دا ملک پاکستان نال آپس اچ تعلقات دے ودھارے دی بنیادی اہمیت ڈیندے۔ انہاں اقتصادی رابطیاں اتے معاشی سانجھداری نال برادر ملکاں دے تعلقات اچ ودھارے دی پاکستانی وزیر خارجہ دی تجویز دی تعریف کیتی اتے آکھیے جو ڈوہائیںملکاں وچال پہلے توں موجود اداریاں دے رابطیاں اچ ودھارا بنیادی ضرورت ہے تاں جو تجارتی تعلقات کو نویاں بلندیاں تئیںودھایا ونج جا سگے۔ پاکستان اتے قطر مسلمان ملکاں اچ انتہائی اہم سمجھے ویندن اتے انہاں کوں سانجھا مقاصد گھنڑ سانگے اپنڑیاں کوششاں ودھانوڑ دی ضرورت ہے۔
وزیر خارجہ شاہ محمود قریشی نال قطری ہم منصب محمد بن عبدالرحمن الثانی دی ملاقات
مضمون کا ماخذ : sorteos میگا سینا
متعلقہ مضامین
