کراچی ۔ 26 جنوری(اے پی پی)صدرمملکت ڈاکٹرعارف علوی آکھیے جو ٹیکنالوجی دی دنیااچ تکھے تھیونڑ آلیاں تبدیلیاں کوں ممنوعہ شئیں اتے منشیات دی تجارت مکاونڑ سانگے استعمال کرنڑ دی ضرورت ہے۔ صدر مملکت ایہ گالھ ہفتے کو ں کسٹم ہاﺅس اچ کسٹم دے حوالے نال انٹرنیشنل ڈینھ دے موقع تے منعقدہ تقریب نال خطاب کریندے ہوئیں آکھی ۔انھاں ممنوعہ شئیں کوںروکنڑسانگے محکمہ کسٹم دی کارگردگی دی تعریف کریندے ہوئیں کسٹم حکام تے زورڈتے جو ا وہ بدعنوانی تے نظررکھنڑ دے نال نال قوانین تے سختی نال عمل درآمد کوں یقینی بنڑاونڑ۔صدرآکھیے جو آونڑ آلے کجھ سال ودھ ساری اہمیت رکھیندن۔انہاں آکھیے جوحکومت ویزہ پابندیاں اچ نرمی کیتی ہے ،جیندی وجہ نال بئے ملکاں توں پاکستان آونڑ آلے لوکیں اتے سیاحواں دی تعداد اچ ودھارا تھیسی ۔ صدر مملکت ملک اچ امن قائم کرنڑ اتے ملکی سرحداں کوںمحفوظ بناونڑ سانگے مسلح افواج اتے قنوں نافذ کرنڑ آلے اداریاں دی کوششاں دی تعریف کیتی ۔انہاں آکھیے جو یورپ اتے امریکا اچ وی منشیات اتے ممنوعہ شئیں دی سمگلنگ داسلسلہ جاری ہے۔انہاں محکمہ کسٹم کوںمخاطب کریندے ہوئیں آکھیے جوٹیکنالوجی اتے طریقہ کار اچ ٹھیک کرنڑ نال تبدیلی آوسی۔انہاں آکھیے جوسافٹ ویئردی جدید ٹیکنالوجی دی مدد نال ڈھگ ساریاں شئیں اچ چنگائی آندی پی ہے ، محکمہ کسٹم کوں جدید ٹیکنالوجی اچ تھیونڑ آلی پیش رفت توں فائدے گھنڑ یقینی بناونڑ پوسن ،تاں جواستعداد کار اچ چنگائی لاتی ونج جا سگے۔صدر مملکت آکھیے جو ٹیکنالوجی دے روزمرہ زندگی تے واضح اثرات دا کوئی تصور وی کائناں کر سگدا ہا، ساری دنیااچ وڈے وڈے سودے الیکٹرانک ذرائع نال تھیندے پن، ضرورت ایں گالھ دی ہے جو جدید ٹیکنالوجی کوںاستعمال کریندے ہوئیں استعداد کاراچ ودھارا کیتا ونجے ۔
صدرمملکت ڈاکٹرعارف علوی دا کسٹم دے بین الاقوامی ڈینھ دے موقع تے منعقدہ تقریب نال خطاب
مضمون کا ماخذ : como ganhar na quina
متعلقہ مضامین
