وفاقی وزیر برائے مواصلات تے پوسٹل سروسز مراد سعید دا این ایچ اے دے پہلے جغرافیائی انفارمیشن سسٹم دے اجراءدی تقریب نال خطاب

این ایچ اے دا خود تے انحصار اتے شفافیت دے مقصد سانگے جیو گرافک انفارمیشن سسٹم دا اجراءکر ڈتے،رائیٹ آف وے نال سارے نیٹ ورک دی سرگرمیاں مانیٹر تھیسن اتے ریونیو ودھسی،اجوکی حکومت ہک ہفتے اچ جیڑھی خوشی دی خبراں عوام کوں ڈتن انہاں اچ ترسیلات زر دا ودھارا،پاکستان اسٹاک ایکسچینج کوں دنیا اچ بہترین قرار ڈیونڑ،موڈیز ولوں معیشت کوں نفی توں مثبت ڈکھاونڑ،کورونا تے قابو پاونڑ دی چنگی حکمت عملی دی تعریف،ریلوے دے نظام دی بہتری سانگے ایم ایل ون دی ایکنک توں منظوری،نیو بلیو ایریا پراجیکٹ دی منظوری، حسابات جاریہ اتے بجٹ دے خسارے اچ گھٹکی آئی اے،ایں سال ارباں روپے دے قومی شاہرات اتے موٹرویز تے منصوبے شروع تھی گئن جیڑھے جو ماضی وانگوں خزانے تے بوجھ کائنا ہوسن۔پچھلی حکومتاں دے چھیکڑی ڈوسالیں دے مقابلے اچ اجوکی حکومت دے ڈوسالیں اچ 48.2فیصد سڑکاں وی ودھ بنڑین،احساس،رحم اتے انصاف تے ٹردی ہوئی ریاست مدینہ دی طرز تے فلاحی ریاست بنڑیسوں،
اسلام آباد ۔ 17 اگست (اے پی پی) وفاقی وزیر برائے مواصلات تے پوسٹل سروسز مراد سعید آکھیا جو این ایچ اے دا خود تے انحصار اتے شفافیت دے مقصد سانگے جیو گرافک انفارمیشن سسٹم دا اجراءکر ڈتے،رائیٹ آف وے نال سارے نیٹ ورک دی سرگرمیاں مانیٹر تھیسن اتے ریونیو ودھسی،اجوکی حکومت ہک ہفتے اچ جیڑھی خوشی دی خبراں عوام کوں ڈتن انہاں اچ ترسیلات زر دا ودھارا،پاکستان اسٹاک ایکسچینج کوں دنیا اچ بہترین قرار ڈیونڑ،موڈیز ولوں معیشت کوں نفی توں مثبت ڈکھاونڑ،کورونا تے قابو پاونڑ دی چنگی حکمت عملی دی تعریف،ریلوے دے نظام دی بہتری سانگے ایم ایل ون دی ایکنک توں منظوری،نیو بلیو ایریا پراجیکٹ دی منظوری، حسابات جاریہ اتے بجٹ دے خسارے اچ گھٹکی آئی اے،ایں سال ارباں روپے دے قومی شاہرات اتے موٹرویز تے منصوبے شروع تھی گئن جیڑھے جو ماضی وانگوں خزانے تے بوجھ کائنا ہوسن۔پچھلی حکومتاں دے چھیکڑی ڈوسالیں دے مقابلے اچ اجوکی حکومت دے ڈوسالیں اچ 48.2فیصد سڑکاں وی ودھ بنڑین،احساس،رحم اتے انصاف تے ٹردی ہوئی ریاست مدینہ دی طرز تے فلاحی ریاست بنڑیسوں۔اے گالھیں انہاں سنوار کوں ا این ایچ اے دے پہلے جغرافیائی انفارمیشن سسٹم دے اجراءدی تقریب نال خطاب کریندیں ہوئیں آکھی۔انہاں آکھیا جو این ایچ اے دی ڈو سالیں دی کارکردگی آندے ہک ڈو ڈینھ اچ قوم دے سامھے گھن امساں۔انہاں آکھیا جو اساڈا وژن ایجھی سڑکاں بنڑاون اے جیڑھی جو معاشی اعتبار نال قابل عمل ہوون اتے قومی خزانے تے بوجھ نہ ہوون۔انہاں آکھیا جو حیدر آباد۔سکھر موٹر وے دی ایکنک توں منظوری تھی گئی اے جئیں تے ایں سال کم شروع تھی ویسی۔ سنٹرل پنجاب دے گرد رنگ روڈ، سیالکوٹ۔کھاریاں۔ راولپنڈی، بالکسر۔میانوالی، میانوالی۔مظفر گڑھ اتے این 25 دے منصوبے، 754 کلومیٹر کوئٹہ۔چمن۔کراچی شاہراہ، شاہدرہ فلائی اوور بھارہ کہو پراجیکٹ دی فزیبلییٹی ایں سال پوری کر گھدی ویسی۔شکارپور۔راجن پور، راجن پور۔ڈیرہ غازی خان، ڈیرہ غازی خان۔ ڈیرہ اسماعیل خان وی ایں سال شروع تھیسن جڈانجو ہوشاب۔ آواران ، نوکنڈی۔مش خیل دے منصوبے وی ایں سال شروع تھی یوسی۔لودھراں ملتان وی ایں سال شروع تھی ویسی۔ایں توں پہلے این ایچ اے دے چیئرمین کیپٹن (ر)سکندر قیوم وی این ایچ اے دی سرگرمیاں بارے بریفنگ ڈتی اتے آکھیا جو شفافیت اتے خدمت اساڈا نصب العین اے اتے وفاقی وزیرمواصلات دی ہدایت دے مطابق این ایچ اے دا ٹھیکے ڈیونڑ،وصولیاں اتے ادائیگیاں بارے شفافیت آلے پاسے ٹردی پئی اے۔انہاں آکھیا جو این ایچ اے دے 13 ہزار توں 16 ہزار کلومیٹر نیٹ ورک تے 84 فیصد ٹریفک چلدی اے اتے پورا لوڈ ذمہ واری نال چلایا ویندا پئے ۔