اسلام آباد ۔ 28 ستمبر (اے پی پی) وفاقی وزیر اطلاعات و نشریات سینیٹر شبلی فراز اتے وفاقی وزیرامور کشمیر و گلگت بلتستان علی امین خان گنڈاپورآکھیے جو گلگت بلتستان اچ شفاف الیکشن تھیسن،گلگت بلتستان کوں صوبہ دی آئینی حیثیت دا فیصلہ عوام دی خواہش تے کیتے،شفاف انتخابات الیکشن کمیشن دی ذمہ داری اے، گلگت بلتستان پاکستان دا معاشی بیس کیمپ ثابت تھیسی۔ اے گالھ وفاقی وزرائ سینیٹر شبلی فرازاتے علی امین خان گنڈاپور ایم ڈبلیو ایم دے رہنما ناصر عباس اتے بئے قائدین رلے پریس کانفرنس اچ آکھی۔سینیٹر شبلی فرازآکھیا جو گلگت بلتستان اتے آزاد کشمیر اچ مسلم لیگ (ن) دی حکومت اے بھل اساں انہاں کوں اصلوں نئیں چھیڑیا اتے کم کرنڑ ڈتے اتے ہتھو ہر معاملے اچ ہتھ وی ونڈائے کیوں جو اساں جمہوریت تے یقین رکھدے ہیں،شفاف الیکشن کیتے پی ٹی آئی حکومت آئینی کردارادا کریسی۔وفاقی وزیر امور کشمیر و گلگت بلتستان علی امین خان گنڈا پورآکھیے جو انتخابی اصلاحات کیتے اپوزیشن مل باھنڑ کوں تیار کائنی کیوں جو اے اگیں آلی کار الیکشن توں بعدولا دھاندلی دا رولا پاونڑ چاہندن۔ انہاں آکھیے جو گلگت بلتستان کوں قومی حیثیت ڈیونڑ نال مسئلہ کشمیر تے پاکستان دے موقف تے کوئی اثر نہ پوسی،ایندے تے اپوزیشن رہنماواں دا واویلاکوڑا اے،گلگت بلتستان دے عوام کوں آپ ڈیکھنڑا ہوسی جو کون انہاں دے حقوق تے گندی سیاست کریندا پئے۔ انہاں ڈسائے جو ایم ڈبلیو ایم ااندے انتخابات اچ تحریک انصاف دا ہتھ ونڈاونڑ داوعدہ کیتے،حکومت گلگت بلتستان دی ترقی کیتے کئی وڈے منصوبے ڈیندی پئی اے،گلگت بلتستان دی 100 فیصد آبادی کوں صحت کارڈڈیسوں۔ انہاںا ٓکھیے جو پی ٹی آئی اتے ایم ڈبلیو ایم گلگت بلتستان انتخابات کیتے مشترکہ امیدواراں دا اعلان کیتے۔
گلگت بلتستان اچ شفاف الیکشن تھیسن،گلگت بلتستان کوں صوبہ دی آئینی حیثیت دا فیصلہ عوام دی خواہش تے کیتے،وفاقی وزرائ سینیٹر شبلی فرازاتے علی امین خان گنڈاپوردی ایم ڈبلیو ایم دے رہنما ناصر عباس اتے بئے قائدین رلے پریس کانفرنس
مضمون کا ماخذ : عظیم البینی
متعلقہ مضامین
