اسلام آباد۔20اکتوبر (اے پی پی):وزیراعظم دے معاون خصوصی قومی صحت ڈاکٹر فیصل سلطان آکھیے جو غذائی قلت دے معاملے تے وزیراعظم دی توجہ اے ،حکومت صوبیں نال رل تے غذائی قلت تے قابو پاونڑ کیتے قومی نیشنل ایکشن پلان بنڑیندی پئی اے۔منگل کوں قومی غذائی سروے رپورٹ 2018 دے اجرا کیتے منعقدہ تقریب توں خطاب کریندے ہوئیں انہاں آکھیے جو غذائی قلت دے معاملے تے وزیراعظم دا فوکس اے،اے سروے ماضی دے مقابلے اچ بہوں ودھ معیاری اے ۔ایں سروے کوں ترتیب ڈیونڑ اچ ڈاکٹر ثانیہ نشتر دا اہم کردار رہ گے ، سروے دا مقصد شعبہ اچ بہتر اصلاحات گھن آونڑ اے ، غذائی قلت دا مسئلہ کجھ ضلعیں اچ بہوں ودھ اے ،غیر مناسب و متوازن خوراک دا معاملہ تشویشناک اے۔ 05اکتوبر کوں وزیراعظم دی سربراہی اچ ایں مسئلے تے اجلاس تھیا ، وزیراعظم مسئلے کوں حل کرنڑ دی ہدایت کیتی ، ایڈوائزری کمیٹی بنڑی اے ہنڑ آندے سی سی آئی اجلاس اچ معاملہ گھن تے ویسوں ، حکومت مسئلے کوں حل کرنڑ کیتے اینکوں احساس پروگرام اچ رلا گھدے ۔
حکومت صوبیں نال رل تے غذائی قلت تے قابو پاونڑ کیتے قومی نیشنل ایکشن پلان بنڑیندی پئی اے ،ڈاکٹر فیصل سلطان
مضمون کا ماخذ : لکی لیپریچون
متعلقہ مضامین
