اسلام آباد۔27اکتوبر (اے پی پی) وزیر خارجہ مخدوم شاہ محمود قریشی آکھیے جواگر ہولوکاسٹ دے حوالے نال مواد دی تشہیر کوں روکیا ونڄ سڳدے تاں اسلام دے خلاف توہین آمیز مواد تے وی پابندی لاتی ونڄ سڳدی اے ۔پاکستان حق خود ارادیت دے حصول تئیں کشمیری عوام دی حمایت جاری رکھیسی ۔منگل کوں یوم سیاہ اتے گستاخانہ خاکیں دے حوالے نال وزیر خارجہ ہک بیان اچ آکھیے جو اساں کہیں دی حب الوطنی تے شک نی کریندے پے تے نہ ہی اساں کہیں کوں حب الوطنی دا سرٹیفکیٹ جاری کرݨا اے سارے پاکستانی محترم اتے حب الوطن ہن لیکن اڄ کجھ نادان سیاستدان جیرھی زبان استعمال کریندے پن تے جیرھا ریاست مخالفت بیانیہ انہاں دے پلیٹ فارم توں ݙتا ویندا پئے ،ایندے نال قومی مفاد کوں ضیان تھیندا پئے ۔انہاں کوں ایں روش کوں بدالݨا ہوسی تے انہاں جذبات تے خیالات دا اظہار میں کل قومی اسمبلی وچ کیتا ہئی ۔اڄ نہ صرف پاکستان اچ بلکہ پوری دنیا اچ کشمیری یوم احتجاج منیندے پئن ۔اڄ دے ݙینھ 27 اکتوبر 1947 کوں بھارت ناجائز طور تے، دھوکہ دہی نال کشمیر دی سرزمین تے قبضہ ڄمایا تے او قبضہ اڄ تئیں جاری اے بھارت اپݨے وعدیں اتے سیکورٹی کونسل دیاں قراردادوں توں مکر ڳے جیں پاروں کشمیریاں اچ اضطراب پیدا تھیا تے اڄ تئیں کشمیری، ایں ناجائز قبضے دے خلاف سراپا احتجاج ہن ۔
ہولوکاسٹ بارے مواد دی تشہیر روکی ونڄ سڳدی اے تاں اسلام دے خلاف توہین آمیز مواد تے وی پابندی لاتی ونڄ سڳدی اے ،کشمیری عوام دی حمایت جاری رکھیسوں ،وزیر خارجہ شاہ محمود قریشی
مضمون کا ماخذ : لاٹری ٹکٹ کے فوائد
متعلقہ مضامین
