اسلام آباد۔22فروری(اے پی پی)وفاقی وزیر اطلاعات و نشریات سینیٹر شبلی فراز آکھیے جو ڄے تئیں پیسے دی سیاست اے، جمہوریت تکڑی تھیسی نا معیشت، ڳھٹ سیٹاں دے باوجود پی پی پی کیوں سینیٹ الیکشن جیتݨ دا دعویٰ کریندی اے؟ سندھ حکومت دا رویہ ساکوں 70 دے ڈھاکے دو ڳھدی ویندے، حلیم عادل شیخ کوں نااہلیاں دی نشاندہی تے سزا ݙتی ویندی پئی اے، تھرپارکر اچ ضمنی انتخابات اچ پی ٹی آئی کارکناں کوں ݙرایا دھمکایا ڳئے، ڈسکہ الیکشن دا فیصلہ قبول کریسوں، ملک توں دھونس، طاقت اتے لالچ دی سوچ ماکوݨی ہوسی، جمہوریت دے اصل ثمرات حقیقی نمائنداں نال ہی سامݨے آ سڳدن، حکومت سینیٹ انتخابات اچ کرپشن مکاوݨ کیتے پوری کوشش کریندی پئی اے، الیکٹرانک ووٹنگ متعارف کراوݨ دا جائزہ ڳھندے پئے ہیں۔ انہاں حلیم حادل شیخ دے خلاف سندھ حکومت دے انتقامی رویے دی مزمت کیتی۔ انہاں آکھیا جو سب توں ودھ سندھ دی صورتحال خراب اے جتھاں عوام دا کوئی حال کائنی، لوک تاں لوک عوامی نمائندے وی نئیں چھٹدے، حلیم عادل شیخ دا معاملہ اسمبلی سودھا ہر ڄاہ تے چیسوں۔ انہاں آکھیا جو اڳیں حکومتاں ضمنی انتخابات تے ودھ اثرانداز تھینداں ہن، جیکر دھاندلی کریندے تاں چارے سیٹاں جیت ویندے، حکومت ہوندے ہوئے وی سینیٹ الیکشن ہریے تاں ثبوت ہوسی جو پی ٹی آئی انتخابات تے اثر انداز نئیں تھیندی۔
ڄے تئیں پیسے دی سیاست اے، جمہوریت تکڑی تھیسی نا معیشت، ڳھٹ سیٹاں دے باوجود پی پی پی کیوں سینیٹ الیکشن جیتݨ دا دعویٰ کریندی اے؟ وزیر اطلاعات شبلی فراز دی پریس کانفرنس
مضمون کا ماخذ : سشی ایکسپریس
متعلقہ مضامین
