اسلام آباد۔3اپریل (اے پی پی):وزیر اعظم عمران خان آکھیے جو حکومت دی ماحولیاتی پالیسیاں موسمیاتی تبدیلی دے اثرات گھٹ کرݨ تے آندیاں نسلاں کیتے ہک ساوے تے صاف پاکستان دے عزم دی عکاس ہن۔ ۔کوئی ملک اساݙے تجربے توں فیدہ چاہندے تاں تعاون کرݨ کیتے تیاراوں ۔ہفتے کوں ہک ٹویٹ اچ وزیراعظم آکھیے جو موسمیاتی تبدیلی دےحوالےنال کانفرنس اچ پاکستان کوں مدعو نہ کیتے ونڄݨ تے چوݨ آلیاں آوازاں تے حیرانی تھئی اے ۔پاکستان دی حکومت دی ماحولیاتی پالیسیاں موسمیاتی تبدیلی دےمہلک اثرات گھٹ کرݨ تے آندیاں نسلاں کیتے ہک ساوا صاف پاکستان دے عزم دا عکاس ہن ۔انہاں آکھیے جو سرسبزپاکستان، 10 ارب درختاں دا سونامی،ماحول دوست کاوشاں تے دریاواں دی صفائی جیہوجے اقدامات کیتے ویندے پئن ۔وزیر اعظم آکھیے جو خیبرپختونخوا توں ابتدا کریندے ہوئیں اساں 7سال اچ وسیع تجربہ حاصل کیتے اتے اساݙی پالیسیاں دا اعتراف اتے انہاں دی توصیف کیتی ویندی پئی اے ۔
