کوئٹہ۔28اپریل(اے پی پی)وزیر اعظم عمران خان آکھیے جو پاکستان دی ترقی دا انحصار ایندے غریب طبقے دی ترقی اچ اے، ریاست مدینہ اچ کہیں حکمران اپݨے محلات نئیں بݨائے، پسماندہ علاقیاں خاص کر بلوچستان دی ترقی تے ودھ توجہ اے، اللہ غریباں اتے انسانیت دی خدمت کرݨ آلیاں کوں عزت اتے کامیابی ݙیندے۔ اے ڳآلھ انہا دورہ کوئٹہ ویلھے تقریب نال خطاب کریندے آکھی۔ انہاں کوئٹہ اچ این ایچ اے دے مختلف منصوبیاں دا منڈھ بدھیے۔ تقریب اچ وزیر اعلی بلوچستان جام کمال خان، وزیر مواصلات مراد سعید،اسد عمر وی ہن۔ وزیر اعظم کوں مختلف منصوبیاں تے بریفنگ وی ݙتی۔ انہاں مختلف منصوبیاں دا افتتاح کیتے۔ وزیر اعظم عمران خان آکھیے جو اساں بلوچستان کوں وفے منصوبے ݙتن، 15 سالاں اچ اتھاں 11 سوکلومیٹر ڄݙاں جو ڈھائی سال اچ 3300 کلومیٹر شاہراہواں دے منصوبیاں تے کم تھیندا پئے، کوئٹہ،چمن اتے کراچی شاہراہ نجی شراکت داری نال بݨیدے پئے ہیں، میݙی سوچ اے جو غریباں دی خدمت کرݨ آلے کوں اللہ عزت ݙیندے، کے پی کے اچ یو این ڈی پی دی حالیہ رپورٹ ساݙی کارکردگی دی مثال اے جو انسانی وسائل،غریب امیر اچ فرق اتےغربت اچ سب توں ودھ کمی اتھاں تھئی اے۔ انہاں آکھیا جو یو این ݙی پی موجب پاکستان اچ ہک چھوٹا اشرافیہ طبقہ وسائل تے قابض اے، جیندے کولو اتنا سرمایہ اے جو لندن دی قیمتی ترین علاقیاں اچ انہاں دی جائیداد اے جتھاں برطانوی وزیراعظم وی جائیداد نئیں ڳھن سڳدے۔ وزیراعظم آکھیا جو اڳیں بلوچستان کوں ڄاݨ ٻڄھ تے نظر انداز کیتا ڳئے، این ایچ اے اینڄھیاں معیاری سڑکاں بݨاوݨ جیندی لوک مثال ݙیون۔ وزیراعظم حکومت دے سماجی انصاف پروگرام کوں اہم قرار ݙتے۔ وزیراعظم آکھیے جو تحریک انصاف پچھلے دور توں چنڳے کم کیتن، صوبے اچ ترقیاتی منصوبیاں نال معاشی خوشحالی آسی۔
ریاست مدینہ اچ کہیں حکمران اپݨے محلات نئیں بݨائے، پسماندہ علاقیاں خاص کر بلوچستان دی ترقی تے ودھ توجہ اے، وزیراعظم عمران خان
مضمون کا ماخذ : کمپیوٹر لاٹری کی پیشن گوئی
متعلقہ مضامین
