لاہور۔9اگست (اے پی پی):وزیرِ اعظم عمران خان نال گورنر پنجاب چوہدری سرور اتے وزیراعلیٰ پنجاب سردار عثمان بزدار ملاقات کیتی۔ سنوار کوں وزیراعظم میڈیا آفس توں جاری بیان موجب وزیراعظم گورنر ہائوس لاہور اچ گورنر پنجاب چوہدری محمد سرور اتے وزیراعلیٰ پنجاب سردار عثمان بزدار نال ملاقات اچ صوبے اچ امن و امان اتے عوامی فلاح دے ترقياتی منصوبیں تے پیش رفت دا جائزہ ڳھدے ۔ گورنر پنجاب نال ملاقات اچ پنجاب دی مجموعی صورتحال تے ڳال مہاڑ کیتی ڳئی جݙاں جو گورنر پنجاب وزیرِاعظم کوں کشمیر الیکشن اچ وݙی کامیابی تے مبارخ ݙتی ۔ گورنر پنجاب وزیرِ اعظم کوں ٻاہرلے ملک رہݨ آلے پاکستانیاں دے حکومت دیاں پالیسیاں تے اعتماد بارے ݙسیندے ہوئیں آکھیے جو ٻہوں وختی متوقع اوورسیز کنونشن اچ ٻاہرلے ملک رہݨ آلی پاکستانی برادری نہ صرف بھرپور شرکت کریسی بلکہ پاکستان اچ سرمایہ کاری اچ وی دلچسپی رکھیندی اے ۔ گورنر پنجاب وزیرِاعظم دے اقلیتاں دے حقوق دے تحفظ کیتے چاتے ڳئے اقدامات تے خراجِ تحسین پیش کریندے ہوئیں بھونگ اچ جاری مندر دی بحالی دے کم تے پیشرفت بارے ݙسایا۔
وزیرِ اعظم عمران خان نال گورنر پنجاب چوہدری سرور اتے وزیراعلیٰ پنجاب سردار عثمان بزدار دی ملاقات
مضمون کا ماخذ : como jogar na loteria
متعلقہ مضامین
