اسلام آباد۔3ستمبر (اے پی پی):سپیکر قومی اسمبلی اسد قیصر جمعے کوں بلوچستان نیشنل پارٹی دے سربراہ اختر مینگل کوں ٹیلیفون کیتے اتے انہاں دے انتقال تے تعزیت اتے ہمدردی دا اظہار کیتے۔ سپیکر سردار اختر مینگل نال ڳال کریندے ہوئیں آکھیے جو سردار عطااللہ مینگل دے انتقال تے دلی ݙکھ تھئے او ھک مدبر اتے با اصول سیاسی رہنما ہن ۔ انہاں زندگی اچ اصولاں تے مبنی سیاست کیتی۔ انہاں آکھیے جو سردار عطا اللہ مینگل دی سیاسی وسماجی خدمات کوں ہمیشہ یاد رکھیا ویسی ، انہاں ملک اچ آئین دی بالادستی محروم طبقات اتے بالخصوص بلوچستان دے عوام دے حقوق اتے جمہوریت کیتے جدوجہد کیتے اتے بلوچستان دے حقوق کیتے متحرک رہیے ۔ سپیکر قومی اسمبلی آکھیے جو بلوچستان دے عوام ھک مخلص، نڈر اتے بے باک رہنما توں محروم تھی ڳئن اساں سردار عطاءاللہ مینگل دے انتقال تے انہاں دے خاندان دے ݙکھ اچ برابر دے شریک ہیسے ، اللہ پاک انہاں دی مغفرت اتے درجات بلند فرماوے۔
سپیکر قومی اسمبلی اسد قیصر دا بلوچستان نیشنل پارٹی دے سربراہ اختر مینگل کوں ٹیلیفون، والد دے انتقال تے تعزیت کیتی
مضمون کا ماخذ : bolão lotofácil
متعلقہ مضامین
