اسلام آباد۔2ستمبر (اے پی پی):وزیر منصوبہ بندی و ترقی،اصلاحات اتے خصوصی اقدامات اسد عمر آکھیے جو افغانستان اچ امن پاکستان اتے سی پیک کیتے خوش آئند ہوسی جیں توں وسطی ایشیا تئیں رسائی حاصل ہوسی،اساݙی کوشش ہے جو کورونا ویکسین پاکستان اچ ہی بݨاؤں تاں جو پاکستانی معیشت تے ودھ ٻوجھ نہ پووے ، اے ڳال انہاں خمیس کوں ھک انٹرویو اچ آکھی اے ۔ وفاقی وزیر منصوبہ بندی و ترقی اسد عمرآکھیے جو افغانستان سودھے سی پیک اچ شراکت داری اتے سرمایہ کاری دے خواہش مند سارے ملکاں کوں پاکستان اتے چین دی طرفوں خوش آمدید آکھیا ویسی ۔سی پیک دے معاملے تے وفاقی وزیر آکھیے جے افغانستان اچ امن تھیندے تاں اے پوری پٹی کھل ویسی تے اتھوں پاکستان اچ سی پیک دا بیس گھن تے افغانستان دے ذریعے وسطی ایشیا تئیں پڄایا ونڄ سڳدے ، سی پیک دے منصوبے پی ٹی آئی دی حکومت اچ وسیع تھئن ۔نیشنل کمانڈ اینڈ آپریشن سینٹر (این سی او سی) بارے انہاں ݙسایا جو کورونا وائرس دی وبا تے کنٹرول کیتے ریاست دے سارے ستوناں رل تے کم کیتے ۔ این سی او سی اچ سول اتے ملٹری حکام تاں شامل ہن ہی مگر کورونادے متعلق جیڑھے اساں فیصلے کیتے انہاں اچ ٻہوں وݙی معاونت عدالتی نظام وی کیتی ۔حاملہ تریمتاں کوں کورونا ویکسین لاوݨ متعلق سوال دے ولدے اچ وفاقی وزیرݙسایا جو ابتدا اچ گائیڈ لائنز ہن جو ویکسین نہ لوائی ونڄے مگر ہݨ اے گائیڈ لائنز تبدیل کرݙتیاں ڳئن۔
افغانستان اچ امن پاکستان اتے سی پیک کیتے خوش آئند ہوسی، وزیر منصوبہ بندی و ترقی،اصلاحات اتے خصوصی اقدامات اسد عمر دا انٹرویو
مضمون کا ماخذ : لوٹوفاسیل
متعلقہ مضامین
