اسلام آباد۔25ستمبر (اے پی پی) وزیراعظم عمران خان دے اقوام متحدہ توں خطاب تے وفاقی وزیر داخلہ شیخ رشید احمد آکھیا جو وزیراعظم عمران خان ہک واری ولا ٻہوں جرات اتے استدلال نال اقوام عالم کوں شیشہ ݙکھا ݙتے۔ وفاقی وزیر داخلہ ہفتے کوں وزیراعظم عمران خان دے جنرل اسمبلی دے 76 ویں اجلاس دے موقع تے خطاب تے رد عمل ݙیندیں ہوئیں آُپݨے بیان اچ آکھیا جو آپݨے خطاب اچ وزیراعظم دنیا اچ ودھدی ہوئی معاشی اتے سماجی بے چینی دے اسباب دا احاطہ کیتے۔ شیخ رشید احمد آکھیا جو وزیراعظم عمران خان اقوام متحدہ اچ افغان مسئلہ کوں درست سیاق وسباق اچ دنیا دے سامھے رکھیے۔ شیخ رشید احمد آکھیا جو وزیراعظم عمران خان ہک واری ولا دنیا کوں مودی دے ہندوستان دا فاشسٹ چہرہ ݙکھائے۔ اقوام عالم کوں ݙساوݨ دی کوشش کیتی اے جو کینویں ہندوتوا نظریہ اقلیتاں کچلیندا پئے۔ شیخ رشید احمد آکھیا جو وزیر اعظم عمران خان مسئلہ کشمیراتے ہندوستانی افواج دی سید علی گیلانی دی میت دی بے حرمتی کوں وی دنیا دے سامھے رکھیے۔
وزیر اعظم عمران خان ہک واری ولا ٻہوں جرات اتے استدلال نال اقوام عالم کوں شیشہ ݙکھا ݙتے، شیخ رشید احمد
مضمون کا ماخذ : apostas lotofácil
متعلقہ مضامین
