اسلام آباد۔5اکتوبر (اے پی پی):وزیر خارجہ مخدوم شاہ محمود قریشی آکھیے جو پاکستان کینیا دے نال کثیر الجہتی شعبہ جات اچ ݙو طرفہ اقتصادی، تجارتی و دفاعی تعاون دے ودھارے کیتے پرعزم اے ۔ترجمان دفتر خارجہ موجب وزیر خارجہ منگل کوں کینیا دے ہم منصب ریچل اومامو دے نال ٹیلیفونک رابطہ کیتے۔ݙوہیں وزرائے خارجہ وچال ݙو طرفہ تعلقات، تجارتی و اقتصادی تعاون، افغانستان دی ابھردی ہوئی صورتحال سودھے سانجھی دلچسپی دے امور تے ڳال مہاڑ تھئی ۔وزیر خارجہ آکھیے جو پاکستان کینیا دے نال ݙو پاسے تعلقات کوں خصوصی اہمیت ݙیندے ، انگیج افریقہ پالیسی اساݙی حکومت دی ترجیحات اچ شامل اے۔انھاں آکھیے جو پاکستان کینیا دے نال کثیر الجہتی شعبہ جات اچ ݙو پاسے اقتصادی، تجارتی و دفاعی تعاون دے ودھارے کیتے پر عزم اے۔ وزیر خارجہ اکتوبردے مہینے کیتے سکیورٹی کونسل دی صدارت دا منصب سنبھالݨ تے کینیا دی وزیر خارجہ کوں مبارخ ݙتی ۔ݙوہیں وزرائے خارجہ وچال افغانستان دی ابھردی ہوئی صورتحال تے وی تفصیلی ڳال مہاڑ تھئی ۔
پاکستان کینیا دے نال کثیر الجہتی شعبہ جات اچ ݙو پاسے اقتصادی، تجارتی و دفاعی تعاون دے ودھارے کیتے پرعزم اے، وزیر خارجہ مخدوم شاہ محمود قریشی
مضمون کا ماخذ : ایڈونچر کی کتاب
متعلقہ مضامین
