کوئٹہ۔7اکتوبر (اے پی پی):وزیراعلیٰ بلوچستان جام کمال آکھیے جو صوبائی حکومت زلزلہ متاثرین دی ہرممکن مدد کیتے اقدامات کریندی پئی اے ،ڈیزاسٹر مینجمنٹ اتھارٹی، پی پی ایچ آئی، ضلعی انتظامیہ اتے ٻئے امدادی اداریں کوں متاثرہ علاقیں اچ الرٹ کرݙتا ڳئے ، آزمائش اتے اوکھے ویلھے زلزلہ متاثرین دے رلے کھڑوں ، خمیس کوں آپݨے ھک بیان اچ وزیراعلیٰ بلوچستان جام کمال خان مزید آکھیے جو ہرنائی اچ ہنگامی بنیاداں تے امدادی سرگرمیاں تے متاثرین دی بحالی دا کم تکھے جاری اے جݙاں جو 8زخمیاں کوں پاک فوج دے ہیلی کاپٹر اچ کوئٹہ منتقل کرݙتا ڳئے ۔ انہاں آکھیے جو ہرنائی دے متاثرہ علاقیں اچ طبی امداد کیتے ایمبولینسز، ایمرجنسی معاونت کیتے ہیلی کاپٹر دا استعمال کیتا ویندا پئے ، انہاں آکھیے جو چیف منسٹر سیل، چیف سیکرٹری آفس، پی ڈی ایم اے، اتے کمانڈ اینڈ کنٹرول سینٹر امداد ی سرگرمیاں دی نگرانی کریندے پئن ۔وزیراعلیٰ جام کمال خان زلزلہ دے زخمیاں کوں بہترین طبی امداد ݙیوݨ دی ہدایت کیتی اے ۔ وزیراعلی ٰ جام کمال زلزلے پاروں قیمتی انسانی جاناں دے ضیان تے ݙکھ تے افسوس کیتے۔
حکومت زلزلہ متاثرین دی ہرممکن مدد کیتے اقدامات کریندی پئی اے ، وزیراعلیٰ بلوچستان
مضمون کا ماخذ : اٹلانٹس کا بادشاہ
متعلقہ مضامین
