اسلام آباد۔1دسمبر(اے پی پی)وفاقی وزیر اطلاعات و نشریات چوہدری فواد حسین آکھیے جو میڈیا پروفیشنلز ایکٹ 2021 دے تحت پہلی واری پاکستان اچ ورکنگ جرنلسٹس کوں او حقوق ݙتے ڳین ڄیڑھا فرسٹ ورلڈ دے صحافیاں کوں ملدن، حکومت اتے وزارت اطلاعات ورکنگ جرنلسٹس دے نال کھری اے، اساں اپݨے میڈیا دی آزادی دا مقابلہ تھرڈ ورلڈ اتے مسلم ورلڈ نال نئیں فرسٹ ورلڈ نال کریندے ہیں۔ اے ڳالھ انہاں ایوان صدر اچ پروٹیکشن آف جرنلسٹس اینڈ میڈیا پروفیشنلز ایکٹ 2021 تے دستخطاں دی تقریب نال خطاب اچ آکھی۔ وفاقی وزیر اطلاعات آکھیے جو میڈیا پروفیشنلز ایکٹ 2021 دا کریڈٹ وفاقی وزیر انسانی حقوق ڈاکٹر شیریں مزاری دا اے، ایکٹ ٻݨاوݨ کیتے صحافی تنظیماں سودھا صحافیاں دے سارے گروپاں نال صلاح کیتی اے،جیکر پاکستان اچ میڈیا آزاد نئیں تاں کتھائیں وی پریس فری نہ ہوسی۔ چوہدری فواد حسین آکھیا جو اساں میڈیا پروفیشنلز ایکٹ دے تحت ورکنگ جرنلسٹس کوں حقوق ݙیوݨ دی کوشش کیتی اے، ادارے کیمرہ میناں دے تحفظ دے آپ ذمہ دار ہوسن، ایکٹ اچ ورکنگ جرنلسٹس کوں مالکان اتے حکومتی افسران توں وی تحفظ ملسی۔ ایندا فیدہ ورکنگ جرنلسٹس کوں تھیسی، مجوزہ پاکستان میڈیا ڈویلپمنٹ اتھارٹی تے وی تیکھے متفقہ قانون ڳھن آسوں۔
میڈیا پروفیشنلز ایکٹ 2021 اچ پہلیو اری ورکنگ جرنلسٹس کوں فرسٹ ورلڈ دے صحافیاں دے برابر حقوق ملسن، وفاقی وزیراطلاعات چوہدری فواد حسین
مضمون کا ماخذ : لاٹری کی قانونی حیثیت
متعلقہ مضامین
