اسلام آباد۔30دسمبر(اے پی پی)وفاقی وزیر منصوبہ بندی ترقی و خصوصی اقدامات اسد عمر آکھیے جو کورونا تے حکومت دی تعریف عالمی ادارہ صحت، عالمی اقتصادی فورم اتے اکانومسٹ کیتی اے، اساں آپ اشتہار نئیں چھاپیے، ملکی سلامتی دے معاملے تے اڄوکی حکومت تے تنقید کرݨ آلیاں کوں شرم آوݨی چاہیدی اے۔ قومیا سمبلی اچ لیگی رکن خواجہ آصف کوں ولدا ݙیندے انہاں آکھیا جو اپوزیشن دا درد اساں خوب ڄاݨدے ہیں، اے روز آہدن جو اڄ حکومت دا ویندا ݙینھ اے، ٻھل اڄ ہر کہیں ݙٹھے جو آرڈیننس دی توسیع اچ ووٹنگ ویلھے انہاں دے صرف 3 ارکان کھڑے تھین، ڄݙاں انہاں دے ارکان انہاں دی نئیں منیندے، عوام کیا سݨسن؟ اے آپ تاں دشمناں نال پیار دا پینگاں وٹیندے رہین، مودی نال یاری آلے کیہڑے نک نال قومی سلامتی تے الیندن۔ انہاں آکھیا جو پیپلز پارٹی اتے مسلم لیگ ن پنڄ پنڄ سال حکومتاں کیتن بھل اتنیاں نا اہل جو ہک روپے دا وی ترقیاتی بجٹ منظور نئیں کراسڳیے، ساݙی حکومت 400 ارب روپے دا ترقیاتی بجٹ منظور کیتے، ٻئے 6 مہینے اچ ٻئے 600 ارب روپے دے ترقیاتی بجٹ دی منظوری ݙتی ویسی، خواجہ آصف ایکسپائر آرڈیننس تے الائے بھل میں پچھداں جو ہک ایکسپائر سیاستدان دی تقریر سݨݨ ساݙے تے لازم اے یا نئیں؟ کے پی کے بلدیاتی انتخابات اچ پی ٹی آئی کلہیں 15 تحصیلاں جیتن اتے اے رل تے وی 9 تحصیلاں جیت سڳین، ن لیگ ݙساؤے ایندے اچ انہاں دی کیا کارکردگی رہی اے۔
کورونا تے حکومت دی تعریف عالمی ادارہ صحت، عالمی اقتصادی فورم اتے اکانومسٹ کیتی اے، وفاقی وزیر منصوبہ بندی ترقی و خصوصی اقدامات اسد عمر
مضمون کا ماخذ : لاٹری کا ٹکٹ کیسے خریدیں
متعلقہ مضامین
