اسلام آباد۔3جنوری (اے پی پی):پورے ملک اچ گزریل چووی گھنٹے اچ کورونا وائرس توں 2 اموات تھئن ۔نیشنل کمانڈ اینڈ آپریشن سینٹر دی طرفوں جاری اعداد و شمارموجب گزریل 24 گھنٹے اچ پورے ملک اچوں 708 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال پشاور اچ 12 فیصد،اسلام آباد اچ 7 فیصد،لاہور اچ 11 فیصد اتے سرگودھا اچ 13 فیصد مریض ہن ۔گزریل 24 گھنٹے اچ کووڈ۔19 دے 45 ہزار 643 ٹیسٹس کیتے ڳئن جنہاں اچوں سندھ اچ 14 ہزار 904, پنجاب اچ 16 ہزار 306، خیبرپختونخوا اچ 10 ہزار 27،اسلام آباد اچ 3 ہزار 603، بلوچستان اچ 238,گلگت بلتستان اچ 218 ٹیسٹس, آزاد کشمیر اچ 347 ٹیسٹ شامل ہن۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 12 لکھ 57 ہزار 168 تھی ڳئی اے ۔ بلوچستان,آزاد کشمیر اتے گلگت بلتستان اچ کووڈ۔19 دا کوئی وی مریض ایں ویلھے وینٹیلیٹر تے کائنی ۔
گزریل 24 گھنٹے اچ کورونا وائرس دے 708 نویں کیسز،2 اموات رپورٹ تھئن ، این سی او سی
مضمون کا ماخذ : raspadinha آن لائن
متعلقہ مضامین
