اسلام آباد۔17جنوری (اے پی پی):صدر مملکت ڈاکٹر عارف علوی ملک دے انسانی وسائل کوں بلاک چین ٹیکنالوجی، مصنوعی ذہانت، سائبر سکیورٹی اتے بگ ڈیٹا جیہی ابھردی ہوئی ٹیکنالوجیز دے شعبے اچ ترقی اتے تربیت ݙیوݨ تے زور ݙتے تاں جو چوتھے صنعتی انقلاب دی لوڑھ کوں پورا کیتا ونڄ سڳے ، صدر اے ڳال سنوار کوں اتھاں ایوان صدر اچ بلاک چین ماہرین دے ھک بین الاقوامی وفد نال ملاقات اچ آکھی اے جیں دی قیادت بی ایس وی بلاک چین ایسوسی ایشن دے بانی صدر جیمز نگوین کریندے پئے ہن ۔ صدر مملکت بلاک چین ٹیکنالوجی دی اہمیت تے افادیت بارے آگاہی پیدا کرݨ دی لوڑھ تے زور ݙتے تاں جو سرکاری اتے نجی شعبے ایں توں فیدہ چاسڳن ، وفد نال ڳال کریندے ہوئیں صدر مملکت آکھیے جو بلاک چین ٹیکنالوجی لین دین کوں ٹریک کرݨ، بدعنوانی کوں گھٹ کرݨ اتے سرکاری تے نجی شعبیں اچ شفافیت ودھاوݨ دا ھک طاقتور ذریعہ بݨ سڳدی اے ، انہاں مزید آکھیے جو بلاک چین ٹیکنالوجی دی صلاحیتاں توں پوری طرح فیدہ چاوݨ دے نال نال پاکستان اچ ایندے نفاذ کوں اڳوں ودھاوݨ کیتے ھک جامع نقطہ نظر دیلوڑھ اے ۔ صدر مملکت پاکستان دے ٹیکنالوجی ٹیلنٹ دی خدمات دی تعریف کیتی جنہاں دنیا دیاں کجھ وݙیاں کمپنیاں کوں تکنیکی سہولتاں ݙتے تے آپݨی شناخت بݨائی اے ۔
بلاک چین ٹیکنالوجی لین دین کوں ٹریک کرݨ ، بدعنوانی کوں گھٹ کرݨ اتے سرکاری تے نجی شعبیں اچ شفافیت ودھاوݨ دا ھک طاقتور ذریعہ بݨ سڳدی اے، صدرڈاکٹر عارف علوی
مضمون کا ماخذ : اسکریچ کارڈ جیتنے کے طریقے
متعلقہ مضامین
