کراچی۔24جنوری (اے پی پی):پاک بحریہ کیتے تعمیر کیتے ونڄݨ آلے چار 054 ایلفا کثیر الجہتی فریگیٹس اچوں پہلے جہاز پی این ایس طغرل اتے 10 سی کنگ ہیلی کاپٹرز دی پاک بحریہ دے بیڑے اچ شمولیت دی تقریب پاکستان نیوی ڈاکیارڈکراچی اچ منعقد کیتی ڳئی ، صدر ملکت ڈاکٹر عارف علوی ایں موقع تے مہمان خصوصی ہن ۔پاک بحریہ ولوں جاری اعلامیہ موجب پاکستان نیوی ڈاکیارڈ آمد تے چیف آف دی نیول اسٹاف ایڈمرل محمد امجد خان نیازی مہمان خصوصی دا استقبال کیتا۔ پاک بحریہ دے ھک چاق و چوبند دستے مہمان خصوصی دی آمد تے انہاں کوں گارڈ آف آنر پیش کیتا۔پاک بحریہ کیتے چار 054 ایلفا فریگیٹس دی تعمیر دا معاہدہ پاکستان اتےچین وچال جون 2018 اچ طے پاتے۔ایں سلسلے دا پہلا جہاز پی این ایس طغرل اتے قطر دی حکومت ولوں تحفے اچ ݙتے ڳئے سی کنگ ہیلی کاپٹرز سنوار کوں پاک بحریہ دے بیڑے اچ شامل کیتے ڳئے ۔مہمان خصوصی اپݨے خطاب اچ سٹیٹ آف دی آرٹ جہاز پی این ایس طغرل اتے سی کنگ ہیلی کاپٹرز دی بیڑے اچ شمولیت دی تعریف کیتی۔
پاک بحریہ اچ پی این ایس طغرل اتے سی کنگ ہیلی کاپٹرز دی شمولیت دی تقریب ، صدر مملکت بطور مہمان خصوصی شرکت کیتی
مضمون کا ماخذ : پاور بال جیتنے کے طریقے
متعلقہ مضامین
