اسلام آباد۔3مارچ (اے پی پی):وزیرِ اعظم عمران خان اڄ خمیس کوں نیشنل رحمت اللعالمینﷺ اتھارٹی دے مکمل فعال تھیوݨ دے سلسلے اچ منعقدہ تقریب اچ بطور مہمانِ خصوصی شرکت کریسن ۔وزیراعظم آفس دے میڈیاونگ توں جاری بیان موجب وزیرِ اعظم عمران خان دے ریاستِ مدینہ دے ویژن دے تحت گزریل سال نیشنل رحمت اللعالمینﷺ اتھارٹی (NRA) دا قیام عمل اچ گھن آیا ڳیا ، اتھارٹی دا مقصد سیرتِ طیبہ تے تحقیق کوں ودھارا ݙیوݨ ، عالمی سطح تے اسلام دے حوالے نال کھنڈائے ڳے غلط تاثر دا سد باب کرݨا، نوجوان نسل کوں سیرت طیبہ دی روشنی اچ راہنمائی ݙیوݨ تے معاشرتی برائیاں توں محفوط رکھݨا اے، ایندے علاوہ اسلامو فوبیا دے حوالے نال عالمی سطح تے اڳونہی ݙیوݨ تے ایں حوالے نال علمی اقدامات چاوݨ اتھارٹی دے مرکزی مقصد اچ شامل اے۔ایں موقع تے وزیرِ اعظم تقریب توں خطاب کریسن۔
مضمون کا ماخذ : como jogar dupla sena
