اسلام آباد۔16مارچ (اے پی پی):وزیر خارجہ مخدوم شاہ محمود قریشی آکھیے جو اپوزیشن دی طرفوں نمبرز دے حوالے نال کیتے ونڄݨ آلے دعوے اچ کوئی حقیقت کائنی ۔ ٻدھ کوں ملکی سیاسی صورتحال دے حوالے نال ھک بیان اچ وزیر خارجہ آکھیے جے اپوزیشن دے دعوے حقیقی ہوندے تاں انہاں کوں اتنی تگ و دو کرݨ دی لوڑھ پیش نہ آندی ۔ شاہ محمود قریشی آکھیے ساݙا اتحادیاں دے نال ساڈھے ترائے سال دا تعلق اتے رابطہ اے،اساں ملک کوں سنوارݨ کیتے مشترکہ کاوش اچ شامل رہین ۔ اتحادیاں دے نال ساݙے رابطیں اچ ھک تسلسل اے جݙاں جو اپوزیشن انہاں دے رستے اچ رکاوٹاں کھڑی کریندی آئی اے ، جݙاں خلیج زیادہ وݙی ہووے تاں زور وی زیادہ لاوݨا پوندے ، انہاں آکھیے جے اڄ نون لیگ، ق لیگ کوں آفرزݙیندی پئی اے کیا ق لیگ دے دوست کائنی ڄاݨدے جو 2018 دے الیکشنز اچ انہاں ق لیگ دے رستے اچ کتنے کانٹے وچھائے؟ کیا ایم کیو ایم دے لوک نی ڄاݨدے جو پیپلز پارٹی سندھ اچ انہاں دے نال کیا سلوک کیتے؟ پیپلزپارٹی دی طرفوں گھن آئے ڳئے بلدیاتی قانون دے خلاف او سراپا احتجاج ہن اتے اساں انہاں دے نال ہمکلام ہاسے کیا اوسلوک انہاں کوں یاد نہ ہوسی جݙاں اساں صورتحال کوں تسلسل دے زاویے نال ݙیکھدوں تاں اطمینان تھیندے
اپوزیشن دی طرفوں نمبرز دے حوالے نال کیتے ونڄݨ آلے دعوے اچ کوئی حقیقت کائنی ، وزیر خارجہ مخدوم شاہ محمود قریشی
مضمون کا ماخذ : پیش گوئی اور حکمت عملی
متعلقہ مضامین
