اسلام آباد۔30مارچ (اے پی پی):وفاقی وزیر اطلاعات چوہدری فواد حسین آکھیے جو پاکستان ٹیلی ویژن چار ارب روپے دا ریونیو ٹارگٹ حاصل کیتے جیڑھا جو تاریخ دا ساریں توں وݙا ریونیو اے۔ بدھ کوں آپݨے ٹویٹ اچ انہاں آکھیے جو پی ٹی وی جݙاں اساکوں ملیا ہئی تاں مکمل دیوالیہ ہئی ، اساں مختصر عرصے اچ پی ٹی وی دے ݙو چینلز ڈیجیٹل کیتے اتے پی ٹی وی دا بزنس ماڈل ݙتے جیں دی بدولت پی ٹی وی اڄ انہاں اداریں اچ شامل اے جیڑحے منافع اچ ہن ۔ اپݨِے ھک ٻئے ٹویٹ اچ انہاں آکھیے جو 22 پریس کلب ایں سال ڈیجیٹل سٹوڈیو زاتے لیب کیتے منتخب کیتے ڳئن ، انہاں پریس کلباں کوں ماڈرن اسٹوڈیو اتے ایکوئپمنٹ ملسی جیں توں مقامی صحافی ڈیجیٹل صحافت دے جدید رموز استعمال کرسڳسن ، ایں اسکیم اچ فرنیچر اتے سائونڈ سسٹم وی اپ گریڈ کیتے ویسن ۔ وفاقی وزیر اطلاعات آپݨے ٹویٹ اچ پہلے مرحلے اچ انہاں 22 پریس کلباں دی فہرست وی شیئر کیتی جنہاں اچ ڈیجیٹل اسٹوڈیوز دی سہولت ݙتی ویسی ، انہاں پریس کلباں اچ ملتان پریس کلب، فیصل آباد پریس کلب، میانوالی پریس کلب، جہلم پریس کلب، لاہور پریس کلب، جھنگ پریس کلب، حیدر آباد پریس کلب، سکھر پریس کلب، بدین پریس کلب، ٹھٹھہ پریس کلب، کوئٹہ پریس کلب، تربت پریس کلب، گوادر پریس کلب، حب پریس کلب، پشاور پریس کلب، چترال پریس کلب، بنوں پریس کلب، ایبٹ آباد پریس کلب، سکردو پریس کلب، گلگت پریس کلب، مظفر آباد پریس کلب اتے نیشنل پریس کلب اسلام آباد شامل ہن۔
پی ٹی وی تاریخ دا ساریں توں وݙا 4 ارب روپے دا ریونیو ٹارگٹ حاصل کیتے ، صحافیاں کوں ڈیجیٹل صحافت توں مستفید کرݨ کیتے 22 پریس کلباں کوں ڈیجیٹل اسٹوڈیو اتے لیب کیتے منتخب کیتا ڳئے ، چوہدری فواد حسین
مضمون کا ماخذ : jogos de loteria Nordeste
متعلقہ مضامین
