کراچی۔16 اپریل(اے پی پی)صلہ رحمی اتے انسان دوستی دی پیکر خاتون سماجی رہنما اتے معروف سماجی رہنما عبدالستار ایدھی مرحوم دی بیوہ، ایدھی ٹرسٹ دی چیئرپرسن بلقیس ایدھی کوں سرکاری اعزازت نال کراچی دے میوہ شاہ قبرستان اچ دفنا ݙتا ڳئے۔ او کل 74 سال دی عمر اچ فوت تھی ڳئی ہن۔ بلقیس ایدھی کوں رمضان توں ݙو ݙینھ پہلے دل دا دورہ پیا ہا اتے او ہسپتال داخل ہن ٻھل جمعہ 15 اپریل دی شام اللہ دے حضور پیش تھی ڳین۔ انہاں دی فوتڳی تے اعلیٰ سیاسی و سماجی شخصیات سودھا ہر طبقے دے لوکاں افسوس کریندے ہوئے پرچاوݨی ݙتی اے جو انہاں دی عاجزی، استقامت اتے سماجی خدمات ہمیشہ یاد رکھیاں ویسن۔ بلقیس ایدھی دے انتقال تے سندھ حکومت ہک ݙینھ دے سوگ دا اعلان کیتے۔ انہاں دی نماز جنازہ کراچی دی نیومیمن مسجد کھارادر اچ پڑھی ڳئی۔ بلقیس ایدھی کوں 2015 اچ “مدر ٹریسا” انٹرنیشنل ایوارڈ اتے ٻئے ایوارڈز جیندے اچ “ہلال امتیاز” ڄݙاں جو روسی حکومت دے “لینن پیس پرائز” نال وی نوازیا ڳئے۔
خاتون سماجی رہنما بلقیس ایدھی سرکاری اعزازت نال میوہ شاہ قبرستان اچ سپرد خاک
مضمون کا ماخذ : غالب افریقہ
متعلقہ مضامین
