اڄ اخبار دا جگ ݙیھاڑ منایا گئے سرائیکی اچ ڈینھ واراخبار دے نال ڈیجیٹل پلیٹ فارم دی گھٹکی اے

اسلام آباد۔ 25 ستمبر(اے پی پی) ہک دور ہا جڈݨ اخبار توں علاوہ کمیونیکیشن دا ٻیا کوئی ذریعہ کائناں ھا ہک خبر چھپے ہا تاں پورے ملخ اچ اوندا اثر ہوندا ہا ۔سن2000 توں بعد الیکٹرانک میڈیا آوݨ توں بعد ہک تبدیلی آڳئی ۔ جرنلزم پڑھ تے ٻالیں دا دھیان الیکٹرانک آلے پاسے ویندا ڳیا بھانویں جو ان ڳیڑنویں چیلنز آگئیے پر پرنٹ میڈیا دی اہمیت گھٹ نہ تھئی اڄ وی دیرپا تے موثر خبر پرنٹ میڈیا دی اے۔ہک اخبار دے ایڈیٹر عقیل ترین دی رائے ڳھدی گئی تاں انھاں دا آکھݨ ہا ڈیجیٹل دور دیاں تکھائیاں  پرنٹ میڈیا کوں نی آندیاں ، ایں تے لکھی تحریر کہیں دٻاو تے مٹ سڳدی اے نہ ایں کوں UNDO  کرݨ دی کوئی ٹیکنالوجی یا سافٹ وئیر آئے،لکھاں سال پراݨا اے شعبہ جݙاں تئیں تاں شعور اے کݙاہیں زوال پذیر نی تھی سڳدا کیوں جو ایندی بنیاداں تکڑیاں ہن ایں کیتےخبر وانڳوں شعبہ صحافت دی پرنٹ فارم زندہ رہسی،بدلدی دنیا انسانی رویاں  ،تہذیب و تمدن تے اثر پیندی آئی اے تے ایندے نال پرنٹ میڈیا تے وی یقینا اثر انداز تھیسی،لیکن میݙا منݨ اے جو پرنٹ میڈیا ڈیجیٹل میڈیا آوݨ توں دٻیے نہ ایندی افادیت گھٹی اے جڈاں جو اے پہلے توں ودھ کھنڈی اے تے اڄ پاکستان دے اخباردنیا اچ کروڑاں اردو پڑھݨ آلیں سانڳے تازہ مستند خبراں دا ودھ  موثرذریعہ ہن، ایں سانڳے ڈیجیٹل میڈیا آوݨ توں بعد پرنٹ میڈیا  پہلے توں ودھ  معتبر تھئے،اڄ جݙاں پوری دنیا اچ نقلی خبراں یا ڈس انفارمیشن سوشل میڈیا تے وائرل تھیندی اے تاں او تعلیم یافتہ اتے باشعور لوک ایں نقلی خبر کوں اخباراں دی ویب سائٹس تے سٹالاں تے چیک کریندن جے او پرنٹ میڈیا اچ کائنی تاں اونکوں خود ہی مشکوک خبر سمجھ تے چھوڑ ݙیندن پر کیوں جونقلی خبراں ڈس انفارمیشن دے وائرل تھیوݨ اچ پروپیگنڈہ  ہوندے تے ایندا خاص مقصد ناسمجھ لوکاں کوں وختی ٹارگٹ کرگھنڑاں ہوندے  تے اے صرف کلھا پاکستان اچ ای نی جڈاں جو وڈے ترقی یافتہ ملکیں اچ عوام وی نقلی خبراں دے ٹرانس اچ آتے ری ایکشن کرݙیندن جیں کوں گزریل ݙینھاں برطانیہ اچ سکول واقعہ پاروں جیڑھے فساد تھئن ایندی بنیاد نقلی خبر ہئی ،یورپ،امریکہ تئیں ایں توں نی بچیا  کائنی تاں جو ہݨ لوک واپس مستند اتے تحقیق آلی خبر سانڳے اخبار پرھݨ آلے پاسے آندے پئن ، ایندے اچ ودھارا بہترین ایڈیٹوریل ،تحقیقی سٹوریز،عوامی نبض شناسی دے بعد خبراں دی ترتیب اتے ہر سٹوری یا ڈویلپمنٹ دے بعد ایندے پس منظر تے فوکس کرݨ توں تھی سڳدے ، تے اے سارے پرنٹ میڈیا اچ پروفیشنلز ایڈیٹرز ،رپورٹرز دے بغیر ممکن کائنی!جے پاکستان اچ اخباراں دا گراف متاثر تھئے تاں ایندی ترائے 3 وجوہات ہن جو ھک تاں ایڈیٹرز دی گھٹکی  اتے ݙوجھیا ایندی مل  دا ودھݨ اے جݙاں جو اخبار فروشاں ویچݨ آلی دی گھٹکی وی ایں انڈسٹری سانڳے خطرہ سمجھی ونڄ سڳدی اے ،پہلے اخبارویچݨ آلیں دی تعداد ہزاراں اچ ہوندی ہئی جیڑھی جو گھٹ تھی تے سینکڑاں اچ آڳئی اے۔ آج دے ڈینھ نینگراں سانگے سنیہا اے جو تساں آپدے علم تے بدلدے رجحانات کوں سکھدے ہوئے اخبار اچ آپدی جاء بݨا سڳدے او کیوں جو اڄ وی مستند  دیرپا تے مستقل معلومات دا ذریعہ اخبار ای ہے۔(ڈاکٹر سعدیہ کمال)