اسلام آباد 04 ستمبر (اے پي پي) د اطلاعات او خپرونو وفاقي وزير عطاء تارړ وئيلي دي چې د ګرانۍ شرح سنګل ډيجټ ته راغلې ده٬ د هېواد په برآمداتو كښې د تېر كال په مقابل كښې 14 فيصده اضافه شوې ده٬ افراط زر او ګراني مخ په كمېدو ده۔ د شورو په ورځ په قامي اسمبلۍ كښې د اسد نيازي، جنېد اكبر، شېر افضل او د نورو د اعتراص د نكتې په ځواب كښې وفاقي وزير ووئيل علي امين خان سره خبره شوې وه چې چرته ستا تحفظات وي په ګډه به ئې حل كوٶ، په خېبر پښتونخوا صوبه ډېر اعتبار دے٬ څومره لوستي چې د دغه صوبې نه راروان دي ھغه بلې صوبې څخه نه راځي، د فيډرز بندولو نه وړاندې ښه به وي چې مونږ خبره وكړو۔ ده ووئيل لائن لاسز او د بجلۍ غلا مخنيوي لپاره كه اقدامات وكړې شي نو لوډ شيډنګ به زيرو ته راشي۔ د بلوچستان لارښود اختر مينګل په حواله ده ووئيل د اختر مينګل معامله د افهام و تفهيم د لارې د حل كولو هڅه كوٶ٬ د اختر مينګل تېره ورځ د اسمبلۍ غړيتوب څخه استعفيٰ په معامله خاص پارلماني كمېټي جوړه كړې شوې ده كومه به چې نن د شورو په ورځ اختر مينګل سره ملاقات كوي او د معاملې د خبرو د لارې د حل كولو هڅه به كولې سي۔ ده ووئيل اختر مينګل او د ھغه د پلار بلوچستان او پاكستان لپاره ډېر خدمات دي٬ كوم چې مونږ ټول تسليموٶ۔ ده ووئيل د ګرانۍ شرح سنګل ډيجټ ته راغلې ده٬ د هېواد په برآمداتو كښې د تېر كال په مقابل كښې 14 فيصده اضافه شوې ده٬ افراط زر او ګراني مخ په كمېدو ده٬ په تجارتي زيان كښې ښكاره كمې راروان دې، اېف بي آر كښې اصلاحات كوٶ دغسې چې د ټېكس محصولات زيات كړې شي۔ ده ووئيل اوسنې حكومت د هېواد معيشت د مشكلاتو نه رېسكيو كوي، د هېواد معيشت د ډيفالټ نه راستنولو سره سم ټرېك ته راولؤ ۔ ده ووئيل زمونږ تجارتي شمېرې مثبت دي او اېف بي آر هم خپل هدفونه ترلاسه كوي۔
د ګرانۍ شرح سنګل ډيجټ ته راغلې ده، افراط زر او ګراني مخ په كميدو ده۔ د وفاقي وزير عطاء تارړ قامي اسبملۍ كښې د اعتراض په نكته خبرې
مضمون کا ماخذ : bolão lotofácil
متعلقہ مضامین
