اسلام آباد ۔ 9 اپریل (اے پی پی) چیئرمین سینیٹ محمد صادق سنجرانی سینیٹ سیکرٹریٹ کوں ہدایت کیتی اے جو صوبائی اکائیاں دے نینگراں کوں مرکزی دھارے اچ گھن آونڑ کیتے اقدامات کرن خاص طور تے ملک دے پرے دے علاقیں نال تعلق رکھنڑ آلے نینگراں کوں ایں عمل اچ شامل کرنڑ کیتے کوششاں کیتیاں ونجن۔ایں سلسلے اچ ہک یوتھ کانفرنس دا انعقاد وی کیتا ونجے ،ایں عمل دا آغاز بلوچستان دے نینگراں توں کیتا ونجے جیں دے بعد یوتھ پارلیمنٹ دا قیام عمل اچ گھن آیا ونجے جیرھا جو بلوچستان دے نینگراں دی آواز بنڑ سگے ۔اے گال انہاں سینیٹ سیکرٹریٹ دے سینئر افسراں نال گال مہاڑ کریندے ہوئیں آکھی ۔انہاں آکھیے جو صوبے دے ہر ضلعے توں نینگراں دی نمائندگی ہوونڑیں چاہیدی اے جیں اچ صنفی تفریق نہ ہووے۔ چیئرمین سینیٹ سیکرٹریٹ کوں ہدایت کیتی اے جو سینیٹ تے صوبائی اسمبلیاں وچال رابطہ کاری کوں بہتر بنڑایا ونجے ۔جیں اچ ایوان بالا ہاﺅس آف فیڈریشن ہوونڑ دے ناطے کلیدی کردار ادا کرے ۔
سینیٹ تے صوبائی اسمبلیاں وچال رابطہ کاری کوں مربوط بنڑایا ونجے ، چیئرمین سینیٹ محمد صادق سنجرانی دی ہدایت
مضمون کا ماخذ : ڈریگن کی قسمت
متعلقہ مضامین
