اسلام آباد۔27نومبر (اے پی پی) چیئرمین سینیٹ سید یوسف رضا گیلانی آکھیا جو پاک ،سعودی عرب تعلقات سانجھی مذہبی اقدار اتے آپسی احترام دے جذبے دے ہن۔ مسلم امہ دے اتحاد اتے جدید دور دے مسئلیاں تے گرینڈ مفتی ہمیشہ عالم اسلام دی رہنمائی کیتی اے۔ ت??از??یاں دے خاتمے، مسئلیاں تے قابو پاوݨ دے گرینڈ مفتی مثالی کردار ادا کیتے۔ سینیٹ سیکرٹریٹ موجب اے ڳالھیں انہاں بدھ کوں سعودی گرینڈ مف??ی شیخ عبد العزیز بن عبداللہ الشیخ نال ملاقات اچ آکھی۔ چیئرمین سینیٹ سید یوسف رضا گیلانی گرینڈ مفتی دا شکریہ ادا کریندیں ہوئیں انہاں دی عالم اسلام کیتے خدمات کوں خراج تحسین پیش کیتا۔ چیئرمین سینیٹ پاکستان اتے سعودی عرب دا جدید دور دے چیلنجز د?? رل تے مقابلہ کرݨ دا عزم کیتا۔ انہاں آکھیا جو پاکستان بین العقائد ڈائیلاگ، مفاہمت دے ودھارے کیتے پرعزم اے۔ چیئرمین سینیٹ سید یوسف رضا گیلانی سعودی عرب دی مزمان نوازی اتے ثقافت دی تعریف کیتی۔ چیئرمین سینیٹ گرینڈ مفتی کوں پاکستان دا دورہ کرݨ د?? دعوت وی ݙتی۔
پاک ،سعودی عرب تعلقات سانجھی مذہبی اقدار اتے آپسی احترام دے جذبے دے ہن، سید یوسف رضا گیلانی
مضمون کا ماخذ : کمپیوٹرائزڈ لاٹری
متعلقہ مضامین
