پاکستان جھیں گھٹ معاشی وسائل آلے ترقی پذیرملکاں کوں کرونا اتے معاشی حالات پاروں اوکھ ڈیکھنڑا پوندا پئے،واجب الادا غیر ملکی قرضیاں دی ری سٹرکچرنگ کرنڑی ہوسی
وزیر خارجہ مخدوم شاہ محمود قریشی دا اجلاس نال خطاب
اسلام آباد ۔ 6 اپریل (اے پی پی) وزیر خارجہ مخدوم شاہ محمود قریشی آکھیے جوپاکستان جھیں گھٹ معاشی وسائل آلے ترقی پذیرملکاں کوں کرونا اتے معاشی حالات پاروں اوکھ ڈیکھنڑا پوندا پئے،واجب الادا غیر ملکی قرضیاں دی ری سٹرکچرنگ کرنڑی ہوسی۔اے گالھ انہاں وزارت خارجہ اچ کرونا دی صورتحال بارے جائزہ اجلاس دی اگوانڑی کریندے آکھی۔اجلاس اچ مشیر خزانہ حفیظ شیخ، وفاقی وزیر منصوبہ بندی اسد عمر، وزیر مملکت برائے خزانہ حماد اظہر، سیکرٹری خارجہ سہیل محمود اتے وزارت خارجہ دے سینئر افسران سودھا نیویارک اچ پاکستان دے مستقل مندوب منیر اکرم اتے جنیوا اچ پاکستان دے مستقل مندوب خلیل ہاشمی بذریعہ ویڈیو لنک شرکت کیتی۔وزیر خارجہ آکھیا جو اے وبا ہک عالمی چیلنج اے،جیں پورے جگ کوں ولھیٹ گھدے،ہک پاسو برآمدات دی شرح بہوں گھٹ گئی اے اتے بئے پاسو لاک ڈاون پاروں معاشی مسائل ودھدے پین،ایں سانگے وزیراعظم عمران خان گھٹ وسائل آلے ترقی پذیر ممالک کوں واجب الادا قرض دی ادائیگی اچ سہولت دی تجویز ڈتی اے جیکوں مختلف بین الاقوامی فورمزتے زیر بحث گھن آیا ویندا پئے،ایں سانگے تجویز بارے سیکرٹری جنرل اقوام متحدہ، سیکرٹری جنرل او آئی سی، سیکرٹری جنرل شنگھائی تعاون تنظیم، یورپی اتے سارک ممالک دے وزراءخارجہ کوں ڈسائے جو او قرضیاں دی ری سٹرکچرنگ کیتے عالمی فورمز تے اپنڑا کردارادا کرن تاں جو کمزور معیشتاں کوں عالمی چیلنج نال نبڑن اتے قیمتی انسانی جاناں کوں بچاونڑ اچ مدد ملے۔
وزارت خارجہ اچ کرونا دی صورتحال بارے جائزہ اجلاس
مضمون کا ماخذ : لوٹوفاسیل
متعلقہ مضامین
