اسلام آباد ۔ 7 اکتوبر (اے پی پی) وزیراعظم عمران خان عوامی جمہوریہ چین دے وزیراعظم لی کی کیانگ دی دعوت تے 8 توں 9 اکتوبر تئیں چین دا دورہ کریسن۔ وزیراعظم عمران خان اپنڑے دورے دوران چینی صدر شی جن پنگ اتے وزیراعظم لی کی کیانگ نال ملاقاتاں کریسن۔ اوہ چین دے صدر اتے وزیراعظم ولوں اپنڑے اعزاز اچ ڈتی گی انج انج دعوتاں اچ وی شرکت کریسن۔ ڈوہائیں ملکاں دے وزرائے اعظم ایں موقع تے ودھ سارے معاہداں اتے مفاہمت دی یادداشتاں تے دستخط وی کریسن۔ وزیراعظم عمران خان دے کٹھے وزیر خارجہ شاہ محمود قریشی، وفاقی وزیر ریلوے شیخ رشید احمد، وفاقی وزیر منصوبہ بندی، ترقی تے اصلاحات مخدوم خسرو بختیار، مشیر تجارت تے ٹیکسٹائل عبدالرزاق داﺅد، پٹرولیم سانگے وزیراعظم دے معاون خصوصی ندیم بابر، سرمایہ کاری بورڈ دے چیئرمین اتے سینئر حکام سمیت اعلیٰ سطحی وفد ہو سی۔ پاک فوج دے سربراہ جنرل قمر جاوید باجوہ چین دے وزیراعظم اتے صدر دے نال وزیراعظم عمران خان دی ملاقاتاں اچ شرکت کریسن۔ وزیراعظم عمران خان دا دورہ چین ڈوہائیں ملکاں دی دی قیادت وچال لمبے عرصے توں قائم اوں روایت دا تسلسل ہے جیندے مطابق ڈوہائیں ملکاں دی قیادت سانجھی دلچسپی دے ڈوطرفہ علاقائی تے بین الاقوامی امور تے باقاعدگی نال صلاح مشورہ کریندن۔ وزیراعظم عمران خان مقبوضہ جموں و کشمیر دی صورتحال اتے جنوبی ایشیاءدے امن تے سلامتی کوں درپیش خطرات سمیت علاقے اچ تھیونڑ آلیاں تبدیلیاں اتے پیش رفت بارے گالھ مہاڑ کریسن ۔ ڈوہائیں ملکاں دی قیادت مستقبل اچ وی آپس اچ تعلقات کوں بیا پکا بنڑاونڑسانگے پرعزم ہے اتے ایں سانگے کوششاں کیتیاں ویندیاں پن ۔
وزیراعظم عمران خان 8 توں 9 اکتوبر تئیں چین د ے دورے دوران صدر شی جن پنگ اتے وزیراعظم لی کی کیانگ نال ملاقاتا ں کریسن، وزیراعظم عمران خان ایہ دورہ عوامی جمہوریہ چین دے وزیراعظم لی کی کیانگ دی دعوت تے کر یندے پن ،
مضمون کا ماخذ : فروٹ شاپ
متعلقہ مضامین
