اسلام آباد۔5اکتوبر (اے پی پی) نیشنل کمانڈ اینڈآپریشن سنٹر (این سی او سی) کورونا وائرس دے حوالے نال تازہ ترین اعداد وشمار جاری کر ڈتن ،سنوار کوں این سی او سی توں جاری اعداد وشمار موجب گزریل 24گھنٹے دے دوران کورونا دے 644مریضاں دے ٹیسٹ مثبت آئے تے چار مریض ہسپتالاں اچ وائرس پاروں جاں بحق تھی گئن ۔گزریل چووی گھنٹے اچ کووڈ 19دے انتری ہزار پنج سو 65ٹیسٹ کیتے گئن جیں اچوں سندھ اچ 10ہزار 813, پنجاب اچ 9 ہزار 325, خیبرپختونخوا اچ 3 ہزار 844, اسلام آباد اچ 3 ہزار 53, بلوچستان اچ 1 ہزار 475,گلگت بلتستان اچ 510، آزاد کشمیر اچ 545 ٹیسٹ شامل ہن ، ہنڑ تئیں وائرس توں صحت یاب تھیونڑ آلیں دی تعداد 2 لکھ 99 ہزار 836 تھی گئی اے ۔آزاد کشمیر اتے بلوچستان اچ کووڈ۔19 دا کوئی وی مریض ایں ویلھے وینٹیلیٹرز تے کائنی ۔
مضمون کا ماخذ : لاٹری ٹکٹ آن لائن دستیاب
