اسلام آباد۔14اکتوبر (اے پی پی)وزیر اعظم دے معاون خصوصی برائے قومی سلامتی ڈاکٹر معید یوسف آکھیا جو پاکستان کہیں علاقائی تنازعہ اچ نی الجھن چاہندا۔نجی ٹی وی چینل نال گالھ مہاڑ کریندیں ہوئیں انہاں آکھیا جو پاکستان ہک سمجھدار اتے ذمہ وار ریاست اے اتے اوں یکا بھارت دے خلاف صبرکیتے پر اگر جنگ مسلط کیتی گئی تاں پاکستان کہیں وی جارحیت برداشت کائنا کریسی۔انہاں آکھیا جو ہندوستان دہشت گردی دا ساریاں توں وڈا سرپرست اے اتے اساں ایں حقیقت بارے سارے جگ کوں ڈسا ڈتے۔ہندوستان اپنڑی پالیسیاں نال خود کوں تباہی دے رستے تے لا ڈتے۔انہاں آکھیا جو بھارت دے پنج اگست،2019ءدے اقدامات واپس نہ گھنڑ تئیں مقبوضہ کشمیر دی صورتحال بھارت دے ہتھوں نکل ویسی۔
مضمون کا ماخذ : لاٹری کی پیشگوئی
