اېبټ آباد۔25 اپرېل(اے پی پی)وزیراعظم شهباز شریف د وفاقي حكومت لخوا د فرض ادا كولو په مهال د شهادت درناوے ترلاسه كوؤنكو سول او د قانون نافذ كوؤنكو ادارو افسرانو او اهلكارو لپاره شهداﺀ پېكېج اعلانولو سره وئيلي دي د هېواد عظيم فرزندان سر په تلي كښې د ترهګرو او قاچاقبرو مقابله كوي ، دا پېكېج د حكومت كوم احسان نه دے ٬ د شهيدانو د وارثانو حق دے ٬ د قاچاق ختمولو نه ځانله معيشت پياوړې كېدے نه شي٬ صوبائي حكومتونو سره به په ګډه د قاچاق او قاچاقبرو خاتمه كولو سره منطقه د امن مركز جوړه كړؤ٬ شهيد حسنېن علي ترمذي او نور شهيدان د قام اتلان دي۔ ده د دې خيالاتو څرګندونه د زيارت په ورځ د شهید کسټمز انسپکټر سید حسنین علی ترمذي په كور خپلو خبرو كښې وكړه۔ وزیراعظم ووئيل په ډیرہ اسماعیل خان كښې د قاچاقبرو لخوا په ترهګر بريد كښې د شهيد شوي سيد حسنېن علي ترمذي قرباني به بې ځايه نه ځي٬ پنجاب څخه وروستو به اوس وفاق كښې هم د شهادت درناوے ترلاسه كوؤنكو افسرانو او اهلكارو كورنيو لپاره شهداﺀ پېكېج پېل كوؤ۔ده ووئېل د شهيد حسنېن علي ترمذي د ماشومانو د زده كړو او درملنو مصاريف به حكومت پورته كوي۔ وزیراعظم ووئيل ارواښاد د فرض ادا كولو په مهال د شهادت درناوے ترلاسه كړو ٬ هغه د قوم اتل دے۔ د ده د پلار صبر ته سلام كوم۔ وزیراعظم ووئيل حكومت د قاچاق ختمولو عزم لري۔ داخله وزير محسن نقوي د قاچاق مخنيوي له جدي ګامونه پورته كوي٬ د قاچاق او قاچاقبرو بشپړه خاتمه به باوري كوؤ۔ ده ووئيل داخله وزير ته مو هدايت كړے چې هغه د خېبر پښتونخوا ٬ پنجاب ٬ سندھ او بلوچستان حكومتونو ٬ پاك پوځ او قانون نافذ كوؤنكو ادارو سره په ګډه د قاچاقبرو نوغے ختم كړي۔ ده ووئيل معيشت پياوړې كولو له قاچاق ختمول ضروري دي۔ دا يو داسې ناسور دے د كوم ختمول چې د حكومت وړومبۍ ذمه واري ده۔ مونږ به په ګډه د دې خاتمه باوري كوؤ۔ ده ووئيل د قاچاق ختمولو له به ټول وسائل كارولې شي٬ د قاچاق ختمولو سره به د اولس اربونه ډالره بچ كړؤ۔ ده ووئيل د قاچاق مخنيوي له په مرسته كولو د پاك پوځ د سرلښكر جنرل سيد عاصم منېر هم مننه كوؤ۔ وزیراعظم ووئيل د پاكستاني اولس او حكومت لخوا د دې پېغام سره راغلے يم چې شهيد انسپکټر سید حسنین علی ترمذي د اولس اتل دے او مونږ په هغه وياړ لرو۔ مونږ باور دركوؤ چې د هغه قرباني به بې ځايه نه ځي۔ وزیراعظم ووئيل مونږ به هڅه كوؤ چې د اهلكارو په امنيت كښې كوم كمے پاتې نه شي۔ وزیراعظم ووئيل په پنجاب كښې چې مونږ كوم شهداﺀ پېكېج جوړ كړے ؤ په هغې به دلته هم عمل كولې شي۔ د هر شهيد كونډې او كوچنيانو ته به يو كروړ روپۍ وركولې شي او دې سره سره به د يو كروړ 35 لكه روپۍ د كور لپاره هم وركولې شي۔ دا د هغوي خوښه ده چې كور اخلي يا نه۔ دغسې ماشومانو ته به د زده كړو او درملنو وېړيا آسانۍ وركولې شي۔ وزيراعظم ووئېل د شهادت درناوے ترلاسه كوؤنكې ډی اېس پی ،انسپکټر او سول افسرانو لپاره به هم دا پېكج وي۔ ده ووئيل د فرض ادا كولو په مهال شهيدو شوو د قانون نافذ كوؤنكو ادارو او سول افسرانو او اهلكارو وارثانو ته به هم دا پېكج وركولې شي۔ وزیراعظم ووئيل دا كوم احسان نه دے ٬ دا د دوي حق دے۔ ده ووئيل په موجوده معاشي صورتحال كښې دا رقوپۍ زياتې نه دي ٬ چې كله هم موقع راغله دې ته به بيا كتنه كولې شي۔ په دې موقع د شهيد پلار حسېن شاه ووئيل وزيراعظم زما كورته په تشريف راوړلو زما حوصله زياته كړه٬ زه په دې خبره وياړ لرم چې زما زوي د شهادت درناوے ترلاسه كولو سره په عزت او وقار قبر ته تلل خوښ كړل۔ده ووئېل وزيراعظم زما حوصله لا زياته كړې
د وزيراعظم فرض ادا كولو په مهال د شهادت درناوے ترلاسه كوؤنكو افسرانو او اهلكارو لپاره د شهداﺀ پيكيج اعلان٬ قاچاق او قاچاقبر ختمولو سره به منطقه د امن مركز جوړه كړؤ٬ شهباز شريف
مضمون کا ماخذ : resultados loteria São Paulo
متعلقہ مضامین
.jpg)
.jpg)
