اسلام آباد ۔ 24 جون (اے پی پی) وزیرِ اعظم عمران خان ملک اچ موجود قیمتی جواہر دے شعبے اچ مسلیاں دے تیکھے حل سودھا ایندی ترقی بارے اقدمات دی تفصیلی رپورٹ منگ گھدی اے۔او اسلام آباد اچ ملک دے مختلف جواہر دے قدرتی ذخائر کوں استعمال کرنڑ بارے اجلاس دی اگوانڑی کریندے پئے ہن۔اجلاس نال خطاب اچ وزیراعظم آکھیے جو قدرت پاکستان کوں ودھ قدرتی وسائل نال مالا مال کیتے ،جواہردے شعبے دی ترقی نال نہ صرف نوجواناں کوں نوکریاں ملسن بھل ایندے نال ملکی برآمدات ودھاونڑ اچ وی ہتھ ونڈیسی۔اجلاس اچ وزیر امور کشمیر علی امین گنڈاپور، معاون خصوصی معدنیاتی وسائل شہزاد سید قاسم، فرانسیسی ماہر برنابے پلو رائٹ، سی ای او روپانی فاونڈیشن وسیم صمداتے معدنیات و جواہردے شعبے نال جڑیے ماہرین شرکت کیتی۔اجلاس اچ ملک دے قیمتی جواہر (زمرد، لعل، یاقوت، نیلم) دے مصدقہ ذخائر، شعبے اچ ریسرچ اینڈ ڈویلپمنٹ، جواہربارے غیر ملکی سرمایہ کاری، برآمدات اتے ایندے کیتے وفاقی و صوبائی حکومتاں وچال رابطہ کاری اتے بئے معاملیان تے الایا گئے۔وزیراعظم رپورٹ منگی جو جواہرات دے شعبے دی ترقی کیتے تفصیلی رپورٹ ڈتی ونجے تاں جو ای بارے ہک مفصل روڈ میپ بنڑایاونج سگے۔
وزیرِ اعظم عمران خان دی زیر صدارت ملک دے مختلف جواہر دے قدرتی ذخائر کوں استعمال کرنڑ بارے اجلاس،وزیراعظم شعبے دے مسلے حل کرنڑ اتے ایندی ترقی کیتے تفصیلی رپورٹ منگ گھدی
مضمون کا ماخذ : jogos de azar no Brasil
متعلقہ مضامین
