اسلام آباد ۔ 24 ستمبر (اے پی پی) صدر مملکت ڈاکٹر عارف علوی نےتعلیمی اداریاں اچ منشیات دے استعمال تے چنتا کریندے ہوئے وفاقی و صوبائی حکومتاں اتے متعلقہ اداریاں کوں ہدایت کیتی اے جو ایں سانگے اقدامات کرن،گورنرز، یونیورسٹیاں دے چانسلر، نینگراں کوں منشیات دی لت توں بچاونڑ کیتے اہم کردار ادا کرسگدن۔اے گالھ انہاں پاکستان دے تعلیمی اداریاں اچ منشیات دے چیلنج تے قابو پاونڑ کیتے اجلاس دی صدرات کریندے آکھی۔اجلاس اچ وفاقی وزراءسینیٹر اعظم خان سواتی، شہریار آفریدی، معاون خصوصی برائے صحت ڈاکٹر فیصل سلطان ،گورنر پنجاب چوہدری محمد سرور، گورنر سندھ عمران اسماعیل، گورنر خیبرپختونخوا شاہ فرمان، گورنر بلوچستان جسٹس (ر) امان اللہ یاسین زئی وی موجود ہن۔جڈاں جو صدر آزاد جموں کشمیر سردار مسعود خان اتے گورنر گلگت بلتستان راجہ جلال حسین مقپون سودھا ڈی جی انسداد منشیات فورس وی اجلاس اچ شرکت کیتی۔اجلاس اچ منشیات کوں کھنڈ نڑتوں روکنڑ،نینگراں تے ایندے منفی اثرات اتےا قدامات تے بریفنگ ڈتی گئی۔صوبائی گورنرز اتے صدر آزاد جموں و کشمیر وی منشیات دے چیلنج بارے ڈسایا۔صدر آکھیا جو صوبے، متعلقہ ادارے،علمائے کرام اتے میڈیا نشے دے اثرات بارے شعورڈیون۔اجلاس اچ منشیات دے چیلنج نال نبڑن کیتے ملک دے سارے وائس چانسلرز دا اجلاس سڈنڑ تے اتفاق کیتا گئے۔
تعلیمی اداریاں اچ منشیات کھنڈنڑ تے چنتا اے،متعلقہ ادارے موثر اقدامات کرن،صدر مملکت ڈاکٹر عارف علوی دا تعلیمی اداریاں اچ منشیات دے چیلنج تے قابو پاونڑ سانگے اجلاس نال خطاب
مضمون کا ماخذ : لوٹیریا کا اطلاق
متعلقہ مضامین
