اسلام آباد 25 جون (اے پي پي) قامي اسمبلۍ ته د سينيټ سفارشات وړاندې كړے شول٬ د خزانې وزير په دې مهال ووئيل په بجټ وړاندېزونو د سېنېټ د غړو او د سېنېټ د فنانس كمېټۍ مننه كوٶ چا چې زمونږ لارښودنه كړې٬ د سېنېټ مهم سفارشات د بجټ برخه جوړ كړې شوي۔ د نهې په ورځ د سېنېټ په سفارشات بحث كښې الياس چوهدري ووئيل د سېنېټ په سفارشات كښې هم د ټېكس لګولو وئېلې شوي ٬ اوورسيز پاکستانيانو ته مراعات وركولو ته اړتيا ده ٬ دې سره به زمونږ معيشت ښه شي۔ فراز نون ووئيل د ماشومانو په شودو ټېكس لګول جواز نه لري٬ وړاندې به د 200 يونټ مصرف كوونكو بل 3 زره روپۍ ٶ اوس واپډا د 190 يونټ بجلۍ مصرف كوونكو بل په اټومېټك طريقه د 201 په سلېب بدل كړے كوم چې اولس سره زياتے دے ۔ ده ووئيل كروندګر ستونزو سره مخ دي٬ په 2500 روپۍ غنم خرڅولو ته ناست دي خو اغستونكې نشته، ده ووئېل كه كروندګر سوكاله وي نو پاكستان به سوكاله وي۔عثمان باديني ووئيل د سېنېټ په سفارشات كښې د اېل پي جي د پلانټ ذكر دے٬ د خاران او خوا اوشا سيمه كښې تر اوسه اېل پي جيز پلانټ نه دې لګولے شوے٬ ايران سره په تړلې ستره لاره 7 پلونه جوړولو ته اړتيا ده۔ د سني اتحاد کونسل غړي عمير خان نيازي ووئيل د سېنېټ په سفارشات كښې سېلز ټېكس اېكټ كښې بدلون او په دې كښې د اډټ تجويز وركړے شوے ٬ هر سياسي حكومت ادارې تابع كول غواړي ٬ د دې مسئلې حل لپاره سياسي عزم ته اړتيا ده۔ ده ووئېل اوبه د ضائع كېدو نه بچ كولو لپاره مونږ له بندونه جوړول پكار دي٬ د نمر توان لپاره دې يو جامع پاليسي مرتب كړې شي۔ د سني اتحاد کونسل محبوب شاه ووئيل په دير مالاكنډ او سوات كښې زياتره ځايونو اپرېشنز شوي٬ ځائي وړوكو كاروباريانو ته دې په ټېكس كښې اساني وركړې شي
سمندر پورې پاکستانيانو ته مراعات وركولو ته اړتيا ده٬ لرې پرتو او پسمانده سيمو لپاره دې پرمختيائي سكيمونه پېل كړے شي ٬ د بجټ پحقله د سېنېټ سفارشات قامي اسمبلۍ كښې وړاندې كړے شول
مضمون کا ماخذ : raspadinha آن لائن
متعلقہ مضامین
