اسلام آباد ۔ 6 دسمبر (اے پی پی) صدر مملکت ڈاکٹر عارف علوی حکومت اتے ذرائع ابلاغ سودھے معاشرے دے سارے طبقیاں تے زور ڈتے جو او بالاں نال زیادتی دی روک تھام کیتے اپنڑا موثر کردار ادا کرن،نویں پاکستان دا مقصد ہک اینجھا معاشرہ بنڑاونڑ اے جتھاں ہر بال کوں تعلیم، صحت اتے روزگارملے۔اے گالھ صدر مملکت عارف علوی اسلام آباد اچ پاکستان بیت المال ولوں تھیلیسیمیاسنٹر اچ بالاں دے عالمی ڈینہہ دی تقریب نال خطاب کریندے آکھی۔تقریب اچ بالاں سلامی پریڈ پیش کیتی، بالاں نال زیادتی، چائلڈ لیبر دے موضوعات تے پرفارمنس ڈکھائی۔انہاں تھیلیسیمیا سنٹر دے مختلف شعباں دا وی دورہ کیتے اتے مریضاں کوں علاج معالجے کیتے فنڈز فراہمی سانگے بیت المال دیاں کوششاں دی تعریف کیتی۔ انہاں آکھیا جو شادی توں پہلے جوڑے دی ایں بیماری بارے میڈیکل ٹیسٹ کیتے قانون سازی تے عملدرآمدکر تے وی بیامری روکنڑ اچ مدد مل سگدی اے، جیکر علما دین نکاح نامے اچ ایں شامل کرن دی حمایت کرن تاں اے انسانیت دی بہوں ودی خدمت ہوسی۔انہاں آکھیا جو یتیماں دی کفالت ریاست دی ذمہ واری اے،بالاں کوں تحفظ ، صحت مند ماحول، چنگی تعلیم اتے باعزت جیونڑ ڈیونڑ کیتے ریاست دے نال نال ذرائع ابلاغ کون وی کردار دا کرنڑا چاہیدے۔
نویں پاکستان دا مقصد ہک اینجھا معاشرہ بنڑاونڑ اے جتھاں ہر بال کوں تعلیم، صحت اتے روزگارملے، صدر مملکت ڈاکٹر عارف علوی دا تھیلیسیمیاسنٹر اچ بالاں دے عالمی ڈینہہ دی تقریب نال خطاب
مضمون کا ماخذ : اسکریچ کارڈ جیتنے کے طریقے
متعلقہ مضامین
